At Nafasure 2:3 - Fanawbuid tagsibaliwas Fakayabian

³ Saful kyangay te, gugatan tuam gagwantan dewa ngayu fag fagidapun aroro galo am angku, ay diam kamomuy.

At Nafasure 2:3 ပူးပေါင်းရင်းမြစ်များ

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Kulusas 1:11

Ay em darangin yangay te, Dius gfabitsug ayu siginan at fagmabalyananun yud e gfasud, laman magwanta tuam sas nusnge wain fag fagidapun,

Uan 15:21

Ay kanya fagayu namakamulun ban sa ayu takatanya aroro gafanud am sa angku; fakatanyaun, kanya fagayu wa natoglag at nasugu angku.

1 Kurintu 13:7

ay mafanyan tua gugat, ay gafanud tua gugat, ay mafangagwanta tua gugat.

At Nafasure 3:10

Nafaning tuam ku suguan ayu te, agwantani. Nu katanya, gdiri ktua ban ayu, dewa ban andasug faurianan sa sangay taw sas fagdaul daga.

Ebreu 6:15

Ay Abrayam nagwantan fia nafanya, nu katanya kanya nabul tua Dius at fatuyanan.

Ebreu 6:12

Nu katanya, dangay am momuy, nu bunway faningi tua ngay taw at nabul Dius at fatuyanan siginan at fagafanudun ay at fagagwantanun.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

1 Timuteu 4:10

Siginan takatanya, gugatan tam aroro e fagsegun tua tam sa tagleleg fag Dius tagfalangfe fagayu taw, kaugat wan sa sangay tagafanud.

2 Tesalunika 3:13

Em ngay faduksay, lag am kalufuy gfakamulun at masine.

2 Kurintu. 4:16

Nu katanya, di kamomuy em amatanganan. Ay em bilug dewa garimanan wan kamomuy, kayu menit kabitsug tua em amatanganan.

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Ruma 8:25

Ay nu gfanya tua tam tam nayud yay nalag, gugatan tua tam gfanya.

Lukas 14:27

Nusnga sinu nu dway nafasanan at fasulungan kayu ay nangalo angku, bunwa ku tagadal.

Alubad. 37:7

Manabayani tua sis Yawi at daga salubangan, ay agwantai tua fanyai at fagnamakamulunun. Lag o galabian at mauri fag ngay taw dewa manabayan nu gbanwan, siginan at mauri fag balyawvtan.

At Nafasure 1:9

Au, Uan, ay faduksay ay faudgufudan sa sangay fagidapun ay sas Dius at Fagfagtainanan, ay sas fagagwantanun aroro masadi tam sas Isus. E nagamat angku ay nataban sas furu Patmus fag talun aroro gfoyung au Dius at longan ay at matuyan, Isus at nafasure sa angku.

2 Pedru 1:6

Ay sas fagsafulun famuti fagfaragangun ay sadili, ay sas fagfaragangun ay sadili, famuti fagagwantanun, ay sas fagagwantanun, famuti fagfaningun sas Dius,

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

2 Kurintu. 5:9

Nu katanya, katsi em fakaylatun gfauseganan ami fia anya dewa ami ste yay swa daga ay anggan gina ban ami sit day tigyangan.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Lukas 8:15

Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Ebreu 13:13

Nu katanya, nangakbang watam sas Isus sas day furuan ay nanginkaplan tam kata anya.

1 Timuteu 5:17

Foni fia at kasakan sa sangay tagfangguna ngay tagafanud, kaugat wan sat maseganama nu gfoyung ay gfasaful Dius at Longan.

2 Tesalunika 3:8

Wami gbul nusnge wain fag fakonun nusnga ndaginan fag taw nu dway mi nabayad. Gugatan tuami gfakamulun kayu menit ay yabi laman dimi gfaidapan nusnga sinu si ayu.

2 Tesalunika 3:5

Tam Fun tagfamatangan ayu laman ay ugali kata tua Dius nu kesug, ay kata tam Fun Isus nu mabakvd.

1 Tesalunika 2:9

Em ngay faduksay, gamatang yay ro am em nainlufuyan ay em nainkidapanan. Nafakamulun ami fagngabak menit ay yabi laman dimi nafaidapan sas nusnga sinu si ayu kaduge ami gfoyung Dius at Masine fag Barita sa ayu.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Galasya 6:2

Gubuki tua nusnga sinu si ayu at ke fagidapun. Takatanya fag balyawvtan gfaning tuam tam Fun Isus at suguan.

2 Kurintu. 10:15

Wami kamatungudun sa tibak taw at nafakamulun, kata nu ami at nafakamulun. Gseg ami fia te, kaksvn wam sa ay fagafanudun, laman em fakamulun kaugat yay nu karapyag sa ayu.

2 Kurintu. 6:5

Nafalangan ami lubid, ay ankubung ami, ay ngay taw nafabadbaboan emi. Gfakamulun yay mi deyud fanfakamulunan ya, ay tibaginan wami gtiug ya fagngabak yabi, ay tibak menit wami gfangon ya.

Ruma 16:12

Longi yangay sas duena Trifena ay Trifusa te, O manabayan tuam? Kafag duena maseganina nu gfakamulun sa tam Fun. Ay longi yangay sa Persis te, O manabayan tuo? Kanya tam usena ngayu yangay at nafakamulun laman sa tam Fun.

Lukas 21:19

Ay nu nagwantan tua ban am, e leleg tua ban am at yud e fakatabuan.

Markus 15:21

Ay gina kanya fagayu glao, nafablang Simun siginans gamasun, ay kanya fag ngay tagfawayan nafabuba sa anya Isus at fasulungan kayu. Simun sik taw siginans furuan Sirene ay kanya Aleandru ay Rufus at mama.

Mikas 7:9

Aroro nafamabo way tam Yawi, agwantani wan at faurianan, yakmay nagubuk ay nafae fagmatuyanun antam. Nu katanya, Yawi gfalangfe wa fia antam, ay namae fagmanabayanun.

Alubad. 69:7

Aroro gfaning au emu, gafalingunan au ay gafaplan.

1 Tesalunika 5:12

Em ngay faduksay, maksvn nu gsugu ami ayu te, suyui tua tagfakamulun laman sa ayu, tagfangguna ay tagfoyung ayu sabaliwa nu gfaning tam tam Fun.

1 Kurintu 16:16

faningi tua takata kanya fag ngay taw, ay tiba yak taw takata anya taginlufuyan gfakamulun.

Lukas 5:5

Ay Simun nalong sas Isus te, “Em Fun, anmenit omay lang sik yabi nu gfangalbon ami, ay wami e nagamat. Dewa katanya, aroro o wan at nalong, namasa kyay ro gayvd sad lino ngay fanggamat albon.”