Amus 6:3 - Fanawbuid tagsibaliwas Fakayabian

³ Afanyuan am, tagamatangan te, wa ban kadasug kafag menit nu gafaurianan am. Ay aroro ay ngay fakamulun mauri way, gfasakit wayam kafag menit nu kadasug, at maksvn nu mauri.

Amus 6:3 ပူးပေါင်းရင်းမြစ်များ

Alubad. 94:20

Yawi, di o gfadiuganan at mauri fag ngay tagwabilug, ay ngay taw takawat at sadili faugali.

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Takabalu 4:5

Ebi fag ngay taw takon tua gugat at mataba, katsi gakabulun wan sas fanlunus si sangay dalan. Ay at kin-gurang sas fagmaramramanun, katsi gfanrvbvyan way lang sas wa nakaurian.

Esekyel 12:22

“Taw at baguama, nataw at masuad ngay taw Israel at nalong te, ‘Buknga wan gragangan, dewa katanya, at ngay foyungan we kafasludan?’

Esekyel 12:27

“Taw at baguama, ngay taw tagbanwan sis Israel glong te, ‘Am ngay taginfan ay am ngay longan umfasludan, dewa katanya, glugo yay ban.’

Esekyel 23:42

“Ay duksay nadungug ngay tagalangu nu gbarisanan garingang, gadgaloan at momuy fag ngay taw. Ay kanya fagayu nafasulun sas duksay ngay bauyung ay nafasulun yangay at masine fia fag fangalfuyu.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Amus 3:9

Longi sa sangay tagfangguna sis furuan Asdud ay sas talun Igiptu te, nanmaful am sa tagligung Samarya fag ngay buksul ay nandama am ngay furuan nu gawayan ay nu gafaidapanan.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Amus 5:18

Afanyuan am tagfanya Yawi at menit. Lag am gamatangan te, ginanya ban umlangfe am. Aroro ginanya waban fag menit nu gfaurianan au ayu.

Amus 6:12

O ay nunda sik kabayu manantarung sas wa gang? O ay nunda sik baka maali sanya? Duan! Dewa katanya, nafalingun am ngay taw siginan nu gfawabilugan am, ay wam gfae masuad at matuyan.

Amus 9:10

katanya yangay am, ku ngay taw tagasalanan, wa ban am umlangfe siginan ku faurianan. Fagayu ban am taglong te, ‘Faurianan ban wa mdasug sa emi,’ umbul am sas awayan.

Mikas 6:12

Ay am fag ngay taw at maramraman, madot am, ay kamuag.

Mateu 24:48

Ay sik fagsuguan nu mauri way, kanya gamatangan way te, ‘Glugo yay ban ku tagfayafun nu guli,’

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

2 Pedru 3:4

Kafag ngay taw ban glong te, “Inday katsi Isus at fatuyanan te, ‘Kadasug kban.’ Newa tam ngay mangaguyang anbul wan, dewa katanya fagayu nusnge wain gtaglayun yay gugat kata ebi siginan nu kawat tam fagdaul daga.”

At Nafasure 18:17

Ay am ramraman nu kamin sik buknga way sirut!’ “Ay fagayu tagfalao sakayan lino, ay fagayu tagsakay, ay at ngay tagfakamulun sanya, ay fagayu tagfakamulun sis dagat, kanya fagayu malindug yangay ngayayu.