Alubad. 99:7 - Fanawbuid tagsibaliwas Fakayabian

⁷ Yawi gina sis linyabu takata sik turuk, nafakamatoan at ngay taw, ay kanya fagayu nafaning at ngay faugali ay at ngay longan.

Alubad. 99:7 ပူးပေါင်းရင်းမြစ်များ

Alubad. 105:28

Dius nafadulum sis talun Igiptu, dewa katanya, ngay taw Igiptu wa nafaning Dius at ngay foyungan.

Nu Galin 19:9

Yawi nalong sas Muisis te, “Kasure au sa emu siginan sik madamvl fag linyabu laman ngay taw gdungug tua nu gfakamatoan au emu, ay laman kanya fagayu gafanud tua gugat sa emu.” Ay Muisis nafasaful wan sas Yawi ngay taw Israel at famalus.

Nu Galin 33:9

Ay kaduge Muisis sisad bale, sik turuk linyabu andasug sanya fag bale at sakbawan laman Yawi gfakamatoan anya.

Nu Galin 40:16

Nu katanya, Muisis nafakamulun Yawi at ngay suguan.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Tap 12:5

Sanya ginan, Yawi andasug, siginan sik linyabu takata sik turuk malindug sit Bale at sakbawan, ay kanya nauro duksay Arun ay Miryam. Ay duksay nu nkakbang,

Tap 16:15

Muisis kadotama ay nalong sas Yawi te, “Lag gbul ya ngay taw at ngay fanggalangun. Kwe asalanan sa anya fagayu; kwe nabul nusdi sadik asnu siginan anya fagayu.”

Deuterunumyu 33:9

Kanya fagayu nafalag sa emu at fagmatuyanun, gtungud yay at ngay fagtainan ay at ngay faduksay, ay at ngay sisian at fagmatuyanun. Ay nafaning fagayu am suguan ay galaga tua am nasadian.

Deuterunumyu 4:5

Nafoyung au sa ayu ngay suguan ay ngay fagaloan, Yawi ku Dius at nafoyung angku laman ay fagnangugaliun ban sa ay fagnangadasugan fag talun ay fagbanwanan.

Ebreu 3:2

Tam Isus matuyan tua sat nafili anya, kata Muisis nu matuyan fia nu gfangguna Dius at ngay taw.