Alubad. 99:3 - Fanawbuid tagsibaliwas Fakayabian

³ Ngay taw sas fagdaul daga gseg anya, aroro kanya mabalyanan ay sik fagsuyuun, ay di e malong.

Alubad. 99:3 ပူးပေါင်းရင်းမြစ်များ

Nemyas 1:5

Ay nalong au te, “Yawi, o wan at mabalyanan ay at madulo fag Dius. Nafafasludan tuo am nasadian ke fakesugun sas fagayu takesug emu ay sa tagfaning am ngay Faugali.

Nemyas 4:14

Kaduge au gamatangan em kayaunanan, nafaful au ngay tagfangguna, ngay fun ayu sirut, ay anggan ngay tagbanwan sanya, ay nalong au sa anya fagayu te, “Lag am kalimu tam ngay fawayan. Amatangani te, tam Fun mabalyanan ay madulo sas fagayu. Namawayan tam anya fagayu laman tam ngay kalongan, tam ngay sisian, ay tam ngay bubay, ay anggan tam ngay bale, umlangfe.”

Nemyas 9:32

“O wan em Dius at mabalyanan, at matuyan ay at madulo. Gfafasludan tuo am nasadian ay gfasure am fagmafangesugun. Falangfei emi siginan em fagidapun. Ay katsi gagwantan ami at maksvn fag fagidapun, anggan em ngay fun, ngay tagfangguna, ngay tagfon fanggalangun, ngay taglong, ay anggan em ngay mangaguyang, siginan yay Asirya at ngay fun gfaidapan emi dasug katsi.

Nemyas 9:5

Ay Eswa, Kadmiel, Bani, Kasabneya, Serebya, Udya, Sebanya ay Petakya, kanya fagayu sik ngay taw Lebi ay sik ngay tagfangguna ay kanya wan fagayu at nananguro ngay taw laman nanseg. Kanya fagayu glong sa sangay taw te, “Alindugi, ay segi ay Dius Yawi aroro kanya di e fakatabuan.” Ay kanya fagayu glong te, “Yawi, o wan at mauseganan aroro mabalyanan o, ay maksvn nu gfauseganan ami emu.

Alubad. 100:4

Sakboi sas Dius at bale, fauseganani ay segi anya.

Alubad. 103:1

Gseg au Yawi. Nafatuyanan au te, gseg kban gugat anya sas fagdaul ku amatanganan, aroro kanya matuyan.

Alubad. 111:9

Kanya nafalangfe tua at ngay taw, ay nawat at nasadian at yud e fakatabuan sa anya fagayu. Kanya sik fagsuyuun ay di e malong.

Alubad. 145:17

Yawi, fagayu am balyawvtan matuyan, ay sas fagayu am fakamulun, mafangafanyu tuo.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 76:1

Ngay taw Uda ay ngay taw Israel natoglag tua Dius, ay natuyan tua te, mabalyanan.

Alubad. 76:12

Dius gfaragang ngay tagfangguna nu kamatungudun. Nu katanya, ngay fun sas fagdaul daga kalimu anya.

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Uan 17:11

Wa ban glugo ya nu ste au swa daga, kafoli kwa sa emu, ay dewa katanya am nafon fag ngay taw ste yay swa daga. Mama, matuyan o. Dirii kanya fag ngay taw siginan am ngayan at fagmabalyananun, laman siginan kafag ngayan am nafon sa angku, kanya ban fagayu masadi tua kata nu masadi ta.

Deuterunumyu 28:58

Nu dway ban am gfaning at ngay suguan fagayu at marirukan ste fag fafil, ay way ban am gsuyu ay Dius Yawi at ngayan at maksvn nu madulo ay nu masine,

Deuterunumyu 7:21

Lag am kalimu anya aroro ay Dius Yawi galo tua ayu, at mabalyanan ay at madulo fag Dius.

Uswe 24:19

Uswe nalong sa sangay taw te, “Wam mafauseganan Yawi aroro kanya at yud e malong fag Dius ay kanya wa kaylat nu e fagsegan wayam tibak fagsegan. Kanya ban wa kalyam ay natalyuyan anya, ay wa yangay ban kalyam ay nafakamulun at mauri.

At Nafasure 4:8

Kanya fag ufatk tagleleg fag awatan mesa unum at fakfak, galay at sadi mafus way lang mata fagdaul at bilug. Ay kafag ngay awatan wa karagang nu galubad dewa swa menit ay sad yabi te, “Yud e malong, yud e malong, yud e malong, Dius tam Fun at mabalyanan sas fagayu. Dius tagleleg ebi, ay katsi, ay kabavn ban.”

1 Samwel 2:2

Yawi way lang at yud e malong. We mafasud anya. We tibak fagsarigan at mafasud Dius.