Alubad. 92:9 - Fanawbuid tagsibaliwas Fakayabian

⁹ Anud, fagayu am fawayan umbul, ay fagayu tagfakamulun at mauri sumaruayan.

Alubad. 92:9 ပူးပေါင်းရင်းမြစ်များ

Alubad. 1:4

Dewa katanya, ngay tagasalanan saman way. Dius nu gdama anya fagayu we masuad, kata way sik ngay upa tagmara at fagfalayugun.

Alubad. 102:13

Nasaful au te, namakamulun o laman namalangfe furuan Siun. Ay katsi andasug wan at buknga laman gfalag o am fakafanyun.

Alubad. 102:25

ay nawat o banwa ay daga.

Alubad. 37:20

Dewa katanya, at mauri fag ngay taw umbul. Yawi at ngay fawayan umkalyam yangay ban kata barugwak, ay kata sik anus nu kalyam.

Alubad. 59:11

Ay dewa katanya lag yap vtv gfabul anya fagayu, laman ku ngay kaiban wa kalyam te, o wan at nafalangfe emi. Em Fun ay em tagbalabag, siginan am fagmabalyananun, famomuyi ay fababawani em ngay fawayan.

Alubad. 68:30

Falimui am ngay fawayan takata tagfangagat fag ngay mela tagsis wa sigbo. Ay aiyani yangay ngay taw takata at madot fag ngay baka tama magamut at momuy fag ngay tumad baka, yakmay kanya fagayu nafababaun at ngay sadili, laman namon sa emu fagayu at ngay salapi. Fasaruayani wan ngay talun at taw takaylat gugat kamawayan.

Alubad. 73:27

Umfaurianan ban ngay taw at natalyuyan emu. Ay gfabul ban o fagayu at nafamabo emu.

Alubad. 89:10

Siginan am fagmabalyananun, nafabul o ay narufa ule daul at nafangayan te, Rakab, ay nababo o am ngay fawayan.

Alubad. 97:9

Yawi, o tua tiba tungud fag fun, tagfunan sas fagdaul daga. Nu mabalyanan o gtungud tua tibak fagsegan.

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Tap 10:35

Galay namuba Fagsuadan Nasadian, Muisis gdarangin sas Yawi te, “Fanggunai emi ay fasaruayani em ngay fawayan, ay kanya nangus fagayu lumagyu wan.”

Mateu 7:23

“Gbalus kban anya te, ‘Duan, kwa gtoglag ayu. Ayayui wan siginan angku, am fag ngay taw tagfakamulun at mauri.’

Lukas 19:27

Nusnga sinu fag taw takauri nu gfunan au, tabani stie ay gfabul au si ku salubangan.’ ”

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

Tagfangguna 5:31

Yawi, am ngay fawayan nangus umkamin wan. Dewa katanya, fagayu takesug emu, umkata nangus fia menit nu kasure at maksvn nu masulo. Ay anke fagmabayanun sis talun Israel kaduge ufatk safuluk banwa.