Alubad. 92:2 - Fanawbuid tagsibaliwas Fakayabian

² Masine yangay nu gfoyung ami kayu menit ay yabi te, mafangesug o ay matuyan,

Alubad. 92:2 ပူးပေါင်းရင်းမြစ်များ

1 Krunika 25:1

Dabid ay at ngay fun tagfawayan nafili siginan Asaf, Eman ay Edutun at ngay baguama laman gfoyung Dius at longan gina gfawang ngay fagfawangun ke ngay bakyang ay fagfadkalinganun. Kayu tuy at ngay ngayan ay at fakamulun:

Ub 35:10

Dewa katanya, kanya fagayu wa get sat nawat anya fag Dius, ay tagfon fagmanabayanun gina e fagidapun.

Alubad. 101:1

Yawi, galubad au sik alubad famauseganan emu, sabaliwa nu mafangesug o ay nu matuyan o.

Alubad. 145:2

Gfauseganan kban emu kayu menit, ay kabavn ban namakamulun au takatanya.

Alubad. 147:1

Segi Yawi! Masine nu galubad tam gfauseganan tam Dius. Maylat tua gfauseganan anya.

Alubad. 42:8

Yawi, kayu menit gfasure tuo sa angku te, mafangesug o, ay kayu yabi galubad ktua gugat am alubad ay kanya yangay ku darangin sa emu, aroro o tua tagagbilug ku leleg.

Alubad. 71:15

Ay kabavn gfoyung au am fagmatuyanun, ay sabaliwa nu gfalangfe o, dewa yud au mafafalong fagayu.

Alubad. 77:2

Galay au gafanawa, kakbang au sas Fun Dius. Gfabat au ku ngay daluap fagngabak yabi, dewa katanya, kwa nsun.

Alubad. 9:3

Ay nu nsure o sa ku ngay fawayan, kanya fagayu glagyu, kalub, ay kabul sim daga salubangan.

Isayas 63:7

Namoyung au sabaliwas Yawi at fakesugun. Gfauseganan au anya sas fagayu at nafakamulun sa antam. Ngayu at nafakamulun sa antam fag ngay taw Israel, aroro maksvn nu kafanyu ay nu kesug antam.

Uan 1:17

Dius nafon antam at Faugali siginans Muisis, dewa katanya at fagmagalangun ay at fagmatuyanun andasug siginan tam Fun Isus.

Fakamulun 16:25

Ay nu swabilug yabi wan, Pablu ay Silas gdarangin ay galubad gfauseganan Dius, ay fagayu at maubungan gdungugan.