Alubad. 9:1 - Fanawbuid tagsibaliwas Fakayabian

¹ Yawi, namauseganan au emu fagdaul ku amatanganan. Ay nanfamansulit au am ngay nafakamulun at madulo.

Alubad. 9:1 ပူးပေါင်းရင်းမြစ်များ

1 Krunika 16:12

Am, Dius at ngay nafili, ay Akub, Dius at fagsuguan at ngay kasugfunanan, amatangi tua gugat Dius at ngay nafakamulun at madulo, ay at ngay balyawvtan.

1 Krunika 16:24

Foyungi sas fagayu talun at taw te, Yawi mabalyanan ay at ngay nafakamulun madulo.

Alubad. 106:2

Sinu nunda at malong at ngay nafakamulun at mabalyanan? We mafauseganan sa anya at kasakan.

Alubad. 111:1

Segi Yawi! Gfauseganan au anya sas fagdaul ku amatanganan sit matuyan fag ngay taw at fagmafulan.

Alubad. 138:1

Yawi, galubad au gfauseganan emu sas fagdaul ku amatanganan sis salubangan ke ngay fagmabalyananun.

Alubad. 26:7

Galubad au sik fagusegananun, ay gfoyung au fagayu am nafakamulun at madulo.

Alubad. 51:15

Ku Fun, foyungi angku ngay longan, laman gfauseganan ktua emu.

Alubad. 7:17

Gfauseganan au Yawi aroro matuyan. Ay galubad au sik fagusegananun sas Yawi, Tiba Tungud fag Dius.

Alubad. 86:12

Ku Fun Dius, gseg au emu sas fagdaul ku amatanganan. Kabavn, gfauseganan au am ngayan,

Alubad. 9:14

laman manamauseganan au emu sas furuan Siun at sakbawan, sa sangay taw at daga salubangan. Guseganan au aroro nafalangfe tuo angku.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 43:21

Nawat au kanya fag ngay taw laman sa angku, ay laman ban kanya fagayu namauseganan angku.

Isayas 60:6

Ay ay talun umkapnu kamelyu siginans Midyan ay Efa. Ay kanya fag ngay taw siginans Syeba umdasug sa emu gbuba gintu ay ngay famaebebanglu fag lune laman nanseg Yawi.

Lukas 10:27

Ay kafag taw nabalus te, “ ‘Esugi am Fun, am Dius, sas fagdaul am amatanganan, ay sas fagdaul am fakaylatun ay sas fagdaul am fagmabitsugun ay sas fagdaul am fagsafulun.’ Ay ‘Esugi yangay am iba kaksvn nu kesug o emu.’ ”

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.