Alubad. 85:2 - Fanawbuid tagsibaliwas Fakayabian

² Nafalyam tuo am ngay taw at nafakamulun mauri, ay fagayu at ngay asalanan,

Alubad. 85:2 ပူးပေါင်းရင်းမြစ်များ

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Alubad. 126:1

Yawi gina gfafoli at ngay taw sas Siun siginan at fagatabananan, kata way sik taginfan.

Alubad. 32:1

Mauseganan sik taw, at asalanan nu nalyam tua, aroro Yawi nafalyam wan.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Tap 14:19

Aroro mafangesug tuo, falyami wan kanya fag ngay taw at ngay asalanan, kata nu gfalyam o at ngay asalanan gina o gtaban anya fagayu siginans talun Igiptu dasug katsi.”

Fakamulun 13:39

Ay nusnga sinu tagafanud sas Isus, Dius gtap anya te, sik matuyan fag taw. Ay wam manangatap kata nu yud e asalanan siginan nu gfaning am Muisis at Faugali.

Kulusas 2:13

Ay am at yud Udyu fag ngay taw, ebi ginan mabulan am aroro sa ay asalanan. Ay dewa katanya, Dius nafaleleg tua ayu gasfuan tam Fun Isus ay nafalyam fagayu tam ngay asalanan.