Alubad. 83:5 - Fanawbuid tagsibaliwas Fakayabian

⁵ Kanya fagayu ansadi ay anke algan mauri laman namawayan emu.

Alubad. 83:5 ပူးပေါင်းရင်းမြစ်များ

2 Krunika 20:11

Ay damai katsi kafag ngay taw at fakamulun sa emi. Kanya fagayu namawayan emi laman gaiyan emi siginan am nafon emi fag talun em fagagbilugun ban kabavn.

Ester 3:6

Ay kanya nu nasaful te, Mardukyu sik taw Udyu, namatangan te, bundi lang Mardukyu at fagnamabulun, nu bunway anggan tua fagayu taw Udyu tagsis fun Akasuerus at fagfagtainanan.

Alubad. 124:3

Kanya ro fagayu nafabul wan antam, aroro maksvn nu kadotama antam, kata sik ule tagngvp wan nusnge wain dewa gleleg yay,

Alubad. 2:2

Ngay fun ay ngay tagfangguna anful ay gkamatoan laman gfalganan namawayan Yawi ay at nafili fag fun.

Alubad. 74:8

Ay namatangan te, “Namamomuy watam anya fagayu.” Ay nairug wan ngay fagnansegan emu sis Israel.

Fangatulun 21:30

We mafasud Yawi at fagsafulun ay at fagmamatanganun.

Isayas 7:2

Ay Uda at fun nu nadungug te, Sirya at fun ay Israel at fun ansadi namawayan taw Uda, kanya fag fun ay fagayu at ngay taw gtadtaruyan kalimu, kaksvn sik fulug nu guig sik fun kayu.

Eremyas 33:24

“O wo nadungug kafag ngay taw nu glong te, ‘Yawi naiyan wan at nafili fag duak fagfagtainanan.’ Nu katanya, kanya fagayu gfalingun ku nafili fag ngay taw ay wa glong ya te, kanya fagayu sik talun at ngay taw.

Esekyel 25:15

Fun Dius Yawi glong te, “Ngay taw Filistia anke algan namasud sa sangay taw Uda, aroro ngaduge wan nu kadkaurian.

Mikas 4:11

Ginanya ban, ngay talun nangasadi laman namawayan ayu. Ay glong te, “Namapla watam furuan Siun! Sanya ginan, nandama ban tam anya aroro sat kaksvnan nu mapla at kayaunanan.”

Uswe 7:9

Ngay taw Kanaan ay tibak taw tagbanwan ste dumungug takatanya. Ay kanya fagayu nanligung emi laman namabul. Setain ya am fakamulun laman sam ngayan at mabalyanan?”

At Nafasure 17:13

Kafag safuluk fun sadi way at algan, namon at fagmabalyananun gfunan sa tagfangagat fag mela.

At Nafasure 19:19

Ay sanya ginan nalag au tagfangagat fag mela ay fagdaul daga at ngay fun ayu daul nu maful magamut at ngay tagfawayan laman namawayan sat tagsakay sat kabayu, ay anggan sat ngay tagfawayan.