Alubad. 82:5 - Fanawbuid tagsibaliwas Fakayabian

⁵ Ngay taw takamalingun, wam e fagsafulun! Ay wam gtogdungug! Nu katanya, kata wayam ngay taw taginkalyaman sisad dulum, ay fagdaul daga we fagmanabayanun ya aroro nalyam wan fagmatuyanun.

Alubad. 82:5 ပူးပေါင်းရင်းမြစ်များ

Ub 8:9

Aroro kata yay nu yud glugo nu kasalug tam ay kurang yay tam fagsafulun, ay tam ngay menit ste swa daga kata way sik aninu at masakit kalyam.

Alubad. 11:3

Tain ya ro at matuyan fag taw at fagmafakamulunun nu gakarasrasun wan fagayu nusnge wain?”

Alubad. 14:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Yawi.

Alubad. 53:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Dius.

Alubad. 75:3

Gina ban fagdaul daga nauigan ay gina ngay taw kalimu, gfaogat kban fagdaul daga at fagtungkudan.

Alubad. 99:1

Tam Fun Yawi malunggung sit bale, sis buknga duak awatan at ke fakfak. Nu katanya, ngay taw maksvn nu kalimu, ay fagdaul daga guigan.

Fangatulun 1:29

Aroro wam kaylat gfayfoyung, ay wam gsuyu Yawi.

Fangatulun 2:13

Ay kanya fag ngay taw naubun at matuyan fag ugali ay at nafili at mauri way fag ngay balyawvtan,

Fangatulun 4:19

Dewa katanya, at mauri fag ngay taw at ugali, sa ways fagmadulumun, ay wa nasaful te, kafaurianan.

Takamoyung 2:14

Ke fagsafulun saful tua at fagnangadasugan, ay at yud e fagsafulun nu glao sa ways fagmadulumun. Dewa katanya, nasaful kyangay te, nusnga sinu kabul way.

Takamoyung 3:16

Ay nalag kyangay te, fagmauriun way takafasludan stes fagdaul daga abat ngate fagmatuyanun ay fagmasineun.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 59:9

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Nafanya tam yamag, dewa katanya, fagmadulumun way at kindasug, nu katanya, si way tam sfagmadulumun.

Mikas 3:1

Sanya ginan, Mikas nalong te, “Israel ay Uda at ngay fun, dungugani! O nunda bunwa am tagfafasludan at matuyan?

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 3:19

Ngay taw at faginfauriananun aroro fagmayamagun dewa andasug ste swa daga, kesug way fagmadulumun abat ngate sas fagmayamagun aroro at ngay fakamulun mauri way.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

1 Uan 2:11

Nusnga sinu takauri at faduksay, kanya gbanwan yay sisad madulum, ay wa saful at fagnanloan, aroro dulum gfayud glag anya.