Alubad. 82:3 - Fanawbuid tagsibaliwas Fakayabian

³ Fadiuganani tua ngay taw at yud e fagmakatuun, ay gubuki at yud e ngay fagtainan ya, ay gubuki yangay tagayudan ay tagafalingunan.

Alubad. 82:3 ပူးပေါင်းရင်းမြစ်များ

Ub 29:12

aroro nagubuk au at yud e kwa fag ngay taw ay at yud e fagtainan, ay at yud e fagnangakbangan ya.

Ub 31:21

Ku take nu nafauri di at yud e fagtainan ya aroro saful au te, fagfawabiluganan gfadiuganan tua angku,

Alubad. 10:18

Fakamuluni at matuyan sa sangay taw at yud e kalongan ya ay sa sangay tagafalingunan, laman ban ngay taw mauri gfaragang wan nu gfalimu at iba, aroro kanya fagayu taw yangay.

Nu Galin 23:3

Lag am gafaylatan at yud e kwa at malong aroro siginan at kayaunanan.

Nu Galin 23:6

“Fae katuyanani tua fia at ngay yud e kwa at ngay malong.

Fangatulun 31:9

Dangay e fagfili nu gfawabilugan o, ay gubuki tua at yud e kwa ay tagayudan.

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Eremyas 22:16

Am mama nagubuk tua at yud e kwa ay tagayudan, nu katanya, ngay taw maksvn nu kesug anya. Kata anya tagtoglag angku.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Deuterunumyu 10:18

Kanya ggubuk at yud e fagtainan ya, ay ngay fagbubayun. Ay kanya kesug ngay betaw ay gfon tua at fakonun ay at lanbung.

Deuterunumyu 24:17

Matuyani nu gfawabilugan am ay ngay betaw ay anggan ngay yud e fagtainan ya. Lag am gbul sik fagbubayun at lanbung laman famanya at famangsi at bedan.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.