Alubad. 81:9 - Fanawbuid tagsibaliwas Fakayabian

⁹ Lag am kawat ay gseg tibak fagsegan.

Alubad. 81:9 ပူးပေါင်းရင်းမြစ်များ

Isayas 43:12

Nafatuyan au te, namalangfe kban ayu, ay nafalangfe ktua ayu ay nafoyung takatanya sas fagdaul daga. We tibak dius at nafakamulun sa ayu takatanya. Am wan tagfatuyan te, au wan Dius. Au, Yawi, taglong tuy.

Deuterunumyu 32:12

Yawi wan taggubuk at ngay taw, ay we tibak fagsegan taggubuk anya.

Deuterunumyu 6:14

Lag am galo tibak fagsegan, ngay taw tagbanwan si ay ligung at fagsegan,

Malakyas 2:11

“Ngay taw Uda nafamabo. Kanya fagayu nafakamulun at ngay mauri sas Erusalem ay sas fagdaul talun Israel. Ay nafauri Yawi at bale siginan nu gfafamubay at ngay baguama sa sangay baguina tagseg tibak fagsegan.

Alubad. 44:20

Dius, o nunda ro nu natalyuyan ami emu ay nadarangin sa tibak fagsegan,

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

Alubad. 50:7

Dius gdog yay glong te, “Ku ngay taw, dungugani ku fagnanlongun! Ngay taw Israel, au wan ay Dius. Au wan tagfatuyan te, e asalanan am!

Isayas 28:23

Dungugani wa fia tuy ku longan.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.