Alubad. 81:3 - Fanawbuid tagsibaliwas Fakayabian

³ Uyupi budyung galay fagmafulun sabaliwa Magdanun nu Bagu Kasure, ay gina magdanun mabalulang.

Alubad. 81:3 ပူးပေါင်းရင်းမြစ်များ

2 Fun 4:23

Ay at mangama nainto te, “Wain fagkatsiun yay nu glao o? Katsi bunwa fagmafulun sabaliwa Magdanun nu Bagu Kasure ay bunwa Famiangalay fag Menit.” Ay at mangena gbalus te, “Dewa ro.”

1 Krunika 15:16

Ay Dabid nasugu sa sangay taw Lebi at ngay tagfangguna te, “Filii siginan ay gaban tagsaful galubad, laman kanya fagayu galubad at mauseganan gina gfawang ngay fagfawangun ke ngay bakyang, ay fagfadkalinganun.”

1 Krunika 15:19

Ay nafili Eman, Asaf, ay Etan laman tagfawang fagfadkalinganun at mawatan siginan tansu.

1 Krunika 15:24

Ay Sebanya, Usafat, Netanel, Amasay, Sakaryas, Benaya ay Elyeser sik ngay tagfon fanggalangun tagfawang budyung sis salubangan Fagsuadan Dius at Nasadian. Ay Ubed-Edum ay Eya tagulit yangay Fagsuadan Nasadian.

1 Krunika 16:42

Eman ay Edutun tagfawang ngay budyung, fagfadkalinganun fag fagfawangun, ay tiba yak fagfawangun at fagagbilugun gina galubad sas Yawi. Ay nafili Edutun at ngay baguama laman tagulit sakbawan.

1 Krunika 16:6

Ay Benaya ay Akasyel fag tagfon fanggalangun at namawang gugat ngay budyung sis salubangan Fagsuadan Dius at Nasadian.

1 Krunika 25:1

Dabid ay at ngay fun tagfawayan nafili siginan Asaf, Eman ay Edutun at ngay baguama laman gfoyung Dius at longan gina gfawang ngay fagfawangun ke ngay bakyang ay fagfadkalinganun. Kayu tuy at ngay ngayan ay at fakamulun:

2 Krunika 13:12

Dius si tua gugat emi, sia wan em tagfangguna. Ay at ngay tagfon fanggalangun gfawang at ngay budyung gina gfangguna emi gina ami namawayan ayu. Ngay taw Israel, lag am gfawayan Yawi, ay ngay mangaguyang at Dius, aroro wa ngap ban am gbabo.”

2 Krunika 13:14

Dewa katanya, ngay taw Uda nu nalag kanya fagayu nu namawayan, si baliwa at day guyuy ay sit salubangan, kanya naet gubuk sas Yawi. Ay ngay tagfon fanggalangun masakit nafawang at ngay budyung,

2 Krunika 2:4

Namawat au Yawi ku Dius at bale laman famauseganan anya, ay kafag bale ban sik yud e malong laman fagnangirugan ngay famaebebanglu fag lune, ay fagfatungkudan fanggalangun fag tinapay. Ay sanya yangay ban nu nangirug ngay fagirugun fag ngay fanggalangun, galay balabag ay fafun, ay galay famiangalay fag menit, ay galay fagmafulun sabaliwa Magdanun nu Bagu Kasure, ay tiba yak fagmafulun laman famauseganan Yawi em Dius. Tuy fag faugali ngay taw Israel at fagaloan ban kabavn.

2 Krunika 5:12

Kayu tuy ngay taw Lebi tagfawang ngay fagfawangun: Asaf, Eman, Edutun ay at ngay sisian ay fagayu at kalongan malindug sabaliwas fakamenitan fag fagirugan. Kanya fagayu galanbungan mawatan siginan at masine fag ramit, ay gfawang fagfadkalinganun, ay fagfawangun ke ngay bakyang. Sadik sandan duak safuluk tagfon fanggalangun galo anya fagayu gfawang budyung.

2 Krunika 8:13

Kanya nafafasludan kata Muisis at suguan: at fagfonun kayu menit, ay galay Famiangalay fag Menit, ay fagmafulun sabaliwa Magdanun nu Bagu Kasure, ay galay banwa fag tuluk fagmafulun: fagmafulun sabaliwa Tinapay at yud e Famabia, fagmafulun sabaliwas Fanggutluan, ay fagmafulun sabaliwa nu Kawat ngay Fayag.

Alubad. 149:3

Fauseganani anya siginan nu gfalelegan am ay ngay afud bilug, ay nu gfasfuan am gfawang fagfawangun ke ngay bakyang ay fagfadkalinganun.

Alubad. 33:2

Nanseg am Yawi siginan nu gfawang am ngay fagfawangun at ke ngay bakyang.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.

Tap 15:3

foni angku ay ngay fanggalangun siginan ay ngay fagbaugun. Foni fagirugun fag ngay fanggalangun, ay ngay fanggalangun laman gfafasludan sik fatuyanan, ay at nafalganan fia fag ngay fanggalangun, ay ngay fanggalangun galay fagmafulun. Ay kafag ngay fanggalangun at ayuk at mabebanglu sik famauseganan angku.

Tap 28:11

“ ‘Galay fasadik menit si sik magdanun, foni ay fagirugun fag fanggalangun laman sas Yawi. Ay fanggalangun duak tama baka, sik tama tupa ay fituk tupa riangan tagsadik banwa. Ay fanggalangun at yud tua e malong fag ngay fagbaugun.

Deuterunumyu 16:15

Nanmaful am kaduge fituk menit laman namauseganan am ay Dius Yawi, sit nafili fag afud talun. Aroro ay Dius Yawi gfon ban sa ayu ngayuk gutluan, ay ggubuk ban ayu sas fagayu ay fakamulun, ay umke fagmanabayanun ban am.

Kulusas 2:16

Nu katanya, lag am gafanud tibak taw dewa glong sa ayu te, mauri way ay fakamulun, sabaliwas fakonun ay fanginum, ay sabaliwa ay ngay fagmafulun ay anggan gina am maful sabaliwa Magdanun nu bagu Kasure, ay Famiangalay fag Menit.