Alubad. 8:1 - Fanawbuid tagsibaliwas Fakayabian

¹ Yawi, em Fun, am fagmabalyananun kalag sas fagdaul daga! Ay am fagmasineun kalag anggan sas banwa.

Alubad. 8:1 ပူးပေါင်းရင်းမြစ်များ

1 Fun 8:27

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

Alubad. 145:1

Ku Fun Dius, kabavn ban gfabat au am ngayan ay gfauseganan emu.

Alubad. 148:13

Fagayu am segi Yawi, aroro kanya tua tiba tungud sas fagayu, ay at fagmasineun gtungud tua sas fagayu at awatan tagsis banwa ay tagsis daga.

Alubad. 36:5

Yawi, nu mafangesug o kadaul skiwang, ay am fagmatuyanun gdasug tua sas banwa.

Alubad. 57:5

Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

Alubad. 63:1

Dius, o wan ku Dius. Sas fagdaul ku amatanganan maksvn nu grvbvy au emu, kata at magong fag daga nu gayudan mamam.

Alubad. 68:4

Alubadi sas Dius ngay alubad tagfauseganan anya. Fabati ay segi Dius tagsis tungud linyabu; at ngayan, Yawi. Useganani sit daga salubangan!

Alubad. 8:9

Yawi, em Fun, am fagmabalyananun kalag sas fagdaul daga!

Alubad. 81:1

Alubadi fauseganani Dius tagfon gugat antam tam fagmabitsugun. Fauseganani uroi maksvn sas Akub at Dius!

Alubad. 84:1

Yawi at Mabalyanan, am bale maksvn nu masine.

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Sulumun at Alubad 5:16

At lislis matamis. Anud fagayu tagsi anya malabian mandi. Nafoyung au sa ayu fag ngay baguina sis Erusalem te, kata kanya ku fakesugun fag mangama at kawalungan.

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Abakuk 3:3

O wan at yud e malong fag Dius takadasug siginans Teman ay buksul Paran. Am fagmasuloun anfagdaul banwa, nu katanya, fagayu taw sas fagdaul daga, sumeg emu.

Mateu 22:45

Fun Dabid nu nafangayan way Dius at nafili fag Fun te, ‘Ku Fun,’ tain ro kanya nu siginan fun Dabid at kasugfunanan?”

Uan 20:28

Ay Tumas nalong te, “Ku Fun ay ku Dius.”

Efesu 4:10

Ay at natustus ste swa daga kanya yangay at kinkabat sa tiba tungud fag banwa laman siwa anya fagayu nusnge wain.

Deuterunumyu 28:58

Nu dway ban am gfaning at ngay suguan fagayu at marirukan ste fag fafil, ay way ban am gsuyu ay Dius Yawi at ngayan at maksvn nu madulo ay nu masine,

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

At Nafasure 19:6

Sanya ginan nadog kyay nadungug kata ngayuk taw sis banwa nu garingang kata tagbungan nu gfawas ay kata at maksvn fag lingsi. Katatuy at longan: “Segi tam Dius, aroro tam Dius tam Fun at mabalyanan sas fagayu, ay kanya gfagtainan wan.