Alubad. 76:6 - Fanawbuid tagsibaliwas Fakayabian

⁶ Akub at Dius, gina o nasalag, ngay tagfawayan anbul wan, gasfuan at ngay kabayu, ay nu mataygilid kata way nu gtiug.

Alubad. 76:6 ပူးပေါင်းရင်းမြစ်များ

2 Samwel 10:18

Ay ngay taw Aram nalagyu ngay taw Israel. Ay Dabid ay at ngay tagfawayan nafabul fituk sandank tagfawayan tagsaful gsakay sis faguyudan, ay ufatk safuluk libuk tagfawayan tagsaful gsakay sis kabayu, ay nafabul yangay Subak fag fun tagfawayan.

2 Fun 19:35

Balabag di fag yabi, Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

2 Krunika 32:21

Nu katanya, Yawi nafadasug at tagbarita laman namabul Asirya at ngay tagfawayan at maseganama ay at ngay fun tagfawayan ay at ngay tagfangguna. Ay fun Senakerib kapla maksvn ay noli wan. Ay kanya nu nasakbo sat fagsegan at bale, at ngay baguama nafabul anya siginan sik fiso tagsumbalian at uyup.

Alubad. 104:7

Nu naringang o kata sik lingsi laman gsalag, kafag mamam nalyam wa vtv.

Alubad. 18:15

Siginan nu guro kadotama, kanya nafalanggang dagat. Ay fagdaul daga anggan at fagtungkudan ansure.

Alubad. 80:16

Dius, e nagatvng wan ay e nairug am natanum fag wat ubas. Nu katanya, siginan am dotama, faurianani wan fagayu at nafakamulun takatanya.

Nu Galin 15:1

Muisis ay ngay taw Israel galubad sik alubad sas Yawi te, “Galubad au sas Yawi aroro kanya nababo wan. Ay naukas sas dagat ngay kabayu ay ngay tagsakay sanya.

Nu Galin 15:10

Dewa katanya, siginan yay lang am uyup, kanya fagayu anlubgub sas dagat, ay anfalyu sas fagngabasadan kata sik sanbung.

Nu Galin 15:21

Ay Miryam nalubad tuy fag alubad sa anya fagayu: “Fagayu am alubadi, aroro Yawi nababo wa fia. Ay naukas wan sas dagat ngay kabayu ay fagayu tagsakay sanya.”

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Esekyel 39:20

Ay kon yangay ban am kabayu ay anggan tagsaful gsakay, ay at maseganama fag ngay tagfawayan.’ Au, Fun Dius Yawi taglong tuy.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Naum 2:13

Yawi at Mabalyanan glong te, “Am fag ngay taw Ninibe, dungugani! Ku fawayan am! Nu katanya, nangirug au ay ngay faguyudan ay ay ngay tagfawayan umbul sas fagawayanan. Namaragang kwan ay ngay fakamulun at mauri. Ay wa ban am e tagfosuk ya longan.”

Naum 3:18

Asirya at fun, am ngay tagfangguna umbul, ay am ngay taw umsaruayan sa sangay buksul, ay wa ban e namaful ya anya fagayu.

Sakaryas 12:4

Dewa katanya, namalimu au kafag ngay talun at ngay kabayu ay namalakayan at ngay tagsakay. Au, Yawi, glong au te, nangulit au ngay taw Uda, ay namadarafun au at fawayan at ngay kabayu.

1 Samwel 26:12

Ay Dabid nabul Saul at bangko ay at fagsuadan mamam. Ay we nalag duama, ay wa yangay e nfulo aroro Yawi nafabasad kanya fagayu nu gtiug.