Alubad. 76:2 - Fanawbuid tagsibaliwas Fakayabian

² Dius gbanwan sis Buksul Siun sis furuan Erusalem.

Alubad. 76:2 ပူးပေါင်းရင်းမြစ်များ

Fakasigadan 14:18

Ay Melkisedek, Salem at fun ay tagfon fanggalangun sa Tiba Tungud fag Dius, nanamablang yangay Abram ay e buba tinapay ay fanlangu laman at fon sas Abram.

2 Krunika 6:6

Ay katsi, nafili au Erusalem laman fagnangawatan ku bale, ay nafili au Dabid laman namagtainan ku ngay taw Israel.’

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Alubad. 48:2

Kafag buksul ngabat ay masine, ay gfae fagusegananun sas fagdaul daga. Siun yud e malong fag buksul at mabalyanan fag Fun at furuan.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.