Alubad. 74:2 - Fanawbuid tagsibaliwas Fakayabian

² Dius, amatangi emi. Aroro ami wan ebi am nafili fag ngay taw. Ay o wan tagagbilug ay tagfalangfe emi. Amatangi yangay am fagbanwanan fag Buksul Siun.

Alubad. 74:2 ပူးပေါင်းရင်းမြစ်များ

Alubad. 106:40

Nu katanya, Yawi andotama at fakesugun fag ngay taw. Ay kafag ngay taw ansik mauri sa anya.

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Alubad. 68:16

Fungsu Basan, wain am fagnantungudun Buksul Siun? Ay Siun way Dius at nafili laman at fagbanwanan ban kabavn.

Alubad. 77:15

Siginan takatanya, nafalangfe o am ngay taw, Akub ay Use at ngay kasugfunanan.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Alubad. 9:12

Yawi gdungug tua ngay taw tagafalingunan at darangin. Ay kanya gfasud, ay di kalyam.

Alubad. 94:14

Yawi, dewa katanya, di ban o gaiyan am nafili fag ngay taw.

Nu Galin 15:13

Ay siginan am fakesugun at yud e fakatabuan, namangguna o am ngay taw am nafalangfe. Ay siginan am fagmabitsugun nantaban ban o anya fagayu sam nafalganan fag fagbanwanan.

Nu Galin 15:16

Yawi, anud, kanya fagayu anlimu. Ay siginan am fagmabalyananun, kanya fagayu wa glelegan ya kata ngay gang, yakmay am nafalangfe fag ngay taw, anlangfe sanya.

Isayas 51:11

Am nafalangfe fag ngay taw umfoli sas Siun, ay galubadan guseganan yud e fakatabuan. Umkalyam wan at fakabaluun, ay guseganan tua ban maksvn.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Isayas 63:17

Yawi, wain am fagnaylatun nu kayayu ami siginan am balyawvtan? Wain am fagnafaogatun em amatanganan, laman wami gsuyu emu? Katsi, dogi yap dungugi emi, aroro ami wan am fagsuguan ay o way lang tagagbilug emi.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Deuterunumyu 32:9

Yawi nafili Akub at kasugfunanan, laman at ngay taw.

Deuterunumyu 4:20

Amatangani gugat te, ay Dius Yawi nataban ayu siginans talun Igiptu, siginans talun takata sik faigangan tagigang, laman at ngay taw ban am fia, ay katsi anud am wan at ngay taw.

Deuterunumyu 9:26

Nu katanya, gdarangin au sas Yawi te, “Fun Dius Yawi, lag o gfaurianan am ngay taw, aroro siginan am fagmabalyananun nafalangfe tuo ay nafalfas anya fagayu siginans talun Igiptu.

Deuterunumyu 9:29

“Dewa katanya, kanya fagayu am ngay taw. Kanya am fagagbilugun fag ngay taw am nafalfas siginans talun Igiptu siginan am fagmabalyananun.”

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.