Alubad. 72:3 - Fanawbuid tagsibaliwas Fakayabian

³ Ay umkayu nangus at ngay fananumun at rawvg tagsi sangay buksul, ay anggan nangus at ngay taw umke fagmanabayanun aroro at fun matuyan tua.

Alubad. 72:3 ပူးပေါင်းရင်းမြစ်များ

Alubad. 65:12

Ngay talun at yud e taw anke makmak ay ansik fagnamafangonan fagbaugun, ay ngay buksul ansine kata ngay taw taguseganan aroro anke lanbung.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Isayas 45:8

Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 60:17

Ngay tansu gtubus kban gintu, ay ngay sanbung gtubus au salapi, ngay balse gtubus kban tansu, ay ngay gang gtubus au sanbung. Nu katanya, fagmanabayanun ban ay fagmatuyanun gbanwan tua si emu.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.