Alubad. 71:9 - Fanawbuid tagsibaliwas Fakayabian

⁹ Ay dewa kban mafufuama wan, lag gubun angku. Ay nu momuy kwa ban, lag gfabayan angku.

Alubad. 71:9 ပူးပေါင်းရင်းမြစ်များ

2 Samwel 19:35

Katsi ku banwa waluk safulu wan, ay kwa manamnam ya at mataba ay at yud mataba fag fakonun. We namnam ya sa angku ngay fakonun ay fanginum. Ay kwa yangay gdungug ya tagalubad. Gfaidapan kway ban emu, mesug fag fun.

Alubad. 71:18

Dius, dewa au mafufuama wan ay gubanun, lag gfabayan angku. Agbilugi angku laman ban mafafoyung kyay am fagmabitsugun ay am fagmabalyananun sat fadogan fag ngay sugfun.

Alubad. 73:26

Ku Dius, dewa ku bilug ay ku amatanganan anmomuy, nafabitsug tuo angku, ay gufud tuo gugat angku.

Alubad. 90:10

Em leleg at kadugean, fitu wayk safuluk banwa ay nu mabitsug tuami, sitsigons waluk safulu. Ay dewa at manabayan fag ngay banwa nu mabanwan ami, ngayu way em fagafanawaun ay em fagidapun. Anud, em leleg kalyam way masakit.

Isayas 46:4

Galaga kban ayu dewa ban am anfagtainan wan ay gubanun. Nawat au ayu, ay nangalaga au ayu. Ggubuk au ayu ay namalangfe.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

2 Timuteu 4:18

Ay tam Fun namalangfe angku sas fagayu fagmauriun, ay kanya ban gfosuk angku sat fagfagtainanan sas banwa. Kabavn ban segi anya. Anud.