Alubad. 71:5 - Fanawbuid tagsibaliwas Fakayabian

⁵ Yawi, ku Dius, o wan ku fagsegan. Siginan yay nu masisian au, gafanud kwan sa emu.

Alubad. 71:5 ပူးပေါင်းရင်းမြစ်များ

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

2 Krunika 34:3

Ay gina sis fawaluk banwa nu gfunan, kaduge mamunama yay, kanya nafasigad kakbang sat mangaguyang Dabid at Dius. Ay gina sis falabi duak banwa nu gfunan, kanya nafasine Uda ay Erusalem siginan nu gfaiklas ngay fagnansegan sa tangabat fag ngay buknga, ay nu grufa ngay turuk fagtoglagan Asera fag fagsegan, ay nu grufa ngay fagsegan ay ngay tawtawan.

Alubad. 119:166

Yawi, o way lang ku fagsegun ku tagfalangfe, ay gfaning au am ngay suguan.

Alubad. 119:81

At kadugean nu gfanya au nu gfalangfe o angku kamomuy kwan, dewa katanya, am longan tua gugat ku fagsegun.

Alubad. 13:5

Yawi, gafanud au te, mafangesug tuo. Ay guseganan au aroro nafalangfe o angku.

Alubad. 39:7

Dius, dada ya ro nu kakbang au? Nu gafanud au sa way lang emu.

Alubad. 42:11

Wain yay ku fakabaluun ay ku fagafanawaun? Umke fagsegun ktua nangus sa emu. Ku Tagfalangfe fag Dius, gdog kyay gfauseganan emu.

Alubad. 71:17

Dius, siginan nu masisian au nafoyung o sa angku sabaliwa am ngay nafakamulun at madulo. Ay dasug katsi gfoyung kyay gugat sa sangay taw sabaliwa am ngay nafakamulun at madulo.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Eremyas 14:8

Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 17:17

Lag o gfalimu angku, aroro o wan ku fagsarigan gina e fagmauriun.

Eremyas 17:7

Dewa katanya, mauseganan tua sik taw tagafanud sa angku.

Eremyas 50:7

Ay kanya fagayu naonan nusnga sinu at nalag anya fagayu. Ay at ngay fawayan glong te, ‘Kanya fagayu anke asalanan sas Yawi, at ngay mangaguyang at fagfiangalayan ay at fagsegun, nu katanya, wa tam e asalanan dewa tam nanamawayan anya fagayu.’

Lukas 2:40

Ay at sisian an-gurang ay anbitsug, ay ngayu at fagsafulun, ay Dius ggubuk anya.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

2 Timuteu 3:15

Siginan ngay nu masisian o, saful wo Dius at Longan, tagfae fagsafulun emu sabaliwas fakalangfean siginan am fagafanudun sa tam Fun Isus.

1 Samwel 16:13

Ay Samwel nabul at buba fag langis ay naugwag sas Dabid at alfuyu sit ngay faduksay at daga salubangan. Siginan ginanya fag menit, Yawi at Falad antayuk sas Dabid. Ay Samwel noli wan sas Rama.