Alubad. 71:3 - Fanawbuid tagsibaliwas Fakayabian

³ Aroro o wan ku tagfalangfe ay ku fagsarigan takata sik gang at mogat. O wan ku fagnanuksuanan.

Alubad. 71:3 ပူးပေါင်းရင်းမြစ်များ

Alubad. 144:2

Sia wan takesug angku, ay ku fagsarigan at mogat. Ay sia yangay ku tagbalabag, ku tagfalangfe ay ku tagbakvd. Ay kanya gfagbilug sa angku ngay talun.

Alubad. 18:2

O wan ku fagsarigan at mogat ay ku tagbalabag, O wan ku tagfalangfe, ku tagdiri, ay ku taggubuk.

Alubad. 18:3

Yawi, anud sa way lang emu nung au guseganan, aroro gina au nadarangin sa emu, nafalangfe tuo angku siginan ku ngay fawayan.

Alubad. 42:8

Yawi, kayu menit gfasure tuo sa angku te, mafangesug o, ay kayu yabi galubad ktua gugat am alubad ay kanya yangay ku darangin sa emu, aroro o tua tagagbilug ku leleg.

Alubad. 44:4

Dius, o wan em Fun at nafababo emi aroro ami wan Akub at kasugfunanan.

Alubad. 68:28

Dius, falagi sa emi am fagmabalyananun, kata am nafakamulun ebi.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

Alubad. 90:1

Em Fun, siginan ebi, o wan em fagsarigan.

Alubad. 91:9

Nu Yawi tua am fagsarigan, ay nu Tiba Tungud tua fag Dius am nafili laman am tagfalangfe,

Fangatulun 18:10

Yawi kata sik bale tangabat ay at mogat, ay at matuyan fag taw at fagnansarirungan gina e malimu.

Isayas 33:16

Takatanya fag ngay taw at kumlangfe siginans faurianan. Kanya nu gbanwan kata nu si tua tangabat ay at mogat fag furuan, sit ke tagbia fag ngay gang fagsarirungan. Ay wa ban kamin at fakonun ay at fanginum.

Esekyel 9:6

Namabul am ngay fagtainan, ngay baguama ay ngay baguina, ngay mina ay at ngay sisian, dewa katanya, lag am gfabul ngay taw at marirukan at dangasan. Nu gfabul am, fasigadi siginan ku bale.” Ay taguna at nafabul, ngay tagfangguna sis Yawi at bale.

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.