Alubad. 71:18 - Fanawbuid tagsibaliwas Fakayabian

¹⁸ Dius, dewa au mafufuama wan ay gubanun, lag gfabayan angku. Agbilugi angku laman ban mafafoyung kyay am fagmabitsugun ay am fagmabalyananun sat fadogan fag ngay sugfun.

Alubad. 71:18 ပူးပေါင်းရင်းမြစ်များ

Fakasigadan 27:1

Isak mafufuama wan ay arvs wa glag ya. Sik menit, nauro Isaw te, “Faglon.” Ay Isaw nabalus te, “Nataw, ste au mama.”

Alubad. 22:31

Ay anggan ban at yud yay ansalug dumungug yangay, ay e namoyung yangay ban anya fagayu at nafakamulun at matuyan.

Alubad. 48:14

“Dius wan tam Dius kabavn ban; kanya ban gufud tua gugat antam.”

Alubad. 71:9

Ay dewa kban mafufuama wan, lag gubun angku. Ay nu momuy kwa ban, lag gfabayan angku.

Alubad. 78:4

Ay wa ban tam gsuksuk sa tam ngay sisian, anggan sat fadogan fag ngay sugfun. Ay nanlong ban tam sa anya fagayu te, “Yawi mabalyanan, ay madulo at ngay nafakamulun.”

Alubad. 78:6

laman ban at fadogan fag ngay kasugfunanan sumaful yangay takatanya fag ngay suguan, ay gfoyung yangay ban sat ngay sisian.

Nu Galin 13:8

Ay gina am gfauseganan fag buknga, fayamagi sa ay ngay mesa sisian te, ‘Namatang au Yawi at nafakamulun sa angku gina au glao siginans talun Igiptu.’

Isayas 46:4

Galaga kban ayu dewa ban am anfagtainan wan ay gubanun. Nawat au ayu, ay nangalaga au ayu. Ggubuk au ayu ay namalangfe.

Isayas 51:9

Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Fakamulun 13:36

Kafag rirukan bunwa sabaliwas Dabid, aroro kanya nu nafafasludan wan Dius at fakaylatun sa anya kaduge kanya gleleg, kanya nbul ay e nanamoli anya sat mangaguyang at day fagfolian, ay kanya andan.

1 Samwel 4:18

Ay kafag taw nu nalong sabaliwas Fagsuadan Nasadian, Eli anfuan way lang siginan at faglunggungan sis tigyangan furuan at sakbawan. Ay at liug an-gatvng ay kanya anbul wan, aroro Eli mataglu ay mafufuama wan. Kanya nu gfangguna ngay taw Israel ufatk safuluk banwa.