Alubad. 7:9 - Fanawbuid tagsibaliwas Fakayabian

⁹ Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Alubad. 7:9 ပူးပေါင်းရင်းမြစ်များ

Fakasigadan 20:5

Masdi Abrayam nalong angku te, at faduksay way Sara. Ay anggan Sara nalong yangay te, at faduksay way Abrayam. Nu katanya, masine way ku algan dewa au nabul Sara.”

1 Fun 8:32

dungugani anya sanya sis banwa ay insafuli am ngay fagsuguan. Faurianani at ke ngay asalanan ay tuyani at yud e asalanan te, di e malong, laman fagayu taw sumaful te, di e asalanan.

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Alubad. 10:15

Famomuyi wan ngay taw mauri. Ay faurianani yakmay anragang nu gfakamulun at mauri.

Alubad. 10:18

Fakamuluni at matuyan sa sangay taw at yud e kalongan ya ay sa sangay tagafalingunan, laman ban ngay taw mauri gfaragang wan nu gfalimu at iba, aroro kanya fagayu taw yangay.

Alubad. 11:5

Kanya ginsaful at matuyan ay at mauri. Ay kanya kadotama at takamabul fag taw.

Alubad. 139:1

Yawi, nainsaful o angku, ay saful way o at ngay masuksukan si ku amatanganan.

Alubad. 17:3

Nainsaful o ku amatanganan, ay dewa sad yabi nafaskud o angku. Ay wo e nalag si angku nusnga setaw fag asalanan, ay kwa nalong at mauri kata tibak taw at fakamulun,

Alubad. 18:21

Gfaning ktua Yawi at fakaylatun, ay kdi natalyuyan anya.

Alubad. 26:2

Yawi insafuli ku amatanganan ay ku algan.

Alubad. 35:23

Ku Dius, ku Fun, falganani ay fawayani laman sa angku!

Alubad. 37:23

Yawi gufud tua sik taw tagugali at matuyan.

Alubad. 40:2

Kata nu si au sik bubun at malifak, kanya nalakwi tua angku ay nafalindug sa sik tungud gang daul, nu katanya anke fagmanabayanun ktua.

Alubad. 43:1

Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

Alubad. 44:21

o wa ro wo saful? At matuyan, saful way o dewa ngay taw at fagsuksukun sit amatanganan.

Alubad. 58:6

Yawi em Dius, lifungi wan at ngay bagang, kata nu glifung liun at ngay bagang aba.

Alubad. 9:9

Yawi, o wan ngay taw tagafalingunan at fakakbangan ay at fagsarirungan, gina sis buknga fagidapun.

Alubad. 96:10

Foyungi sa sangay talun at ngay taw te, “Yawi tua tagfagtainan!” Kanya tua at nawat fagdaul daga ay at nafaogat, nu katanya di guigan. Ay nu gfagtainan, di e fagfili.

Alubad. 96:13

sis Yawi at daga salubangan, aroro kanya kadasug wan, laman namagtainan ngay taw sas fagdaul daga, kata at fagmatuyanun.

Eremyas 11:20

Dewa katanya, nadarangin au te, “Yawi at Mabalyanan, matuyan tua nu ginsaful o, ay saful o taw at amatanganan. O wan tagfasud kanya fag ngay taw, nu katanya, gfatigwanan kwan sa emu ku ngay fakamulun.”

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 20:12

Yawi at Mabalyanan, saful way o nu sinu at matuyan aroro saful o at ngay amatanganan. Falagi sa angku nu gfasud o sa kafag ngay taw, aroro nafatigwanan kwan sa emu takatanya fagayu.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.