Alubad. 7:12 - Fanawbuid tagsibaliwas Fakayabian

^12-13 Kanya fagayu nu dway kaylat gubun at ngay asalanan, Dius mafalganan gugat gfaurianan. Kata sik tagfawayan tagfalganan at ngay fagagbilugun sa nu namawayan, kata nu gfaglat at fiso, gton at godun, ay gfatiuan banyas at ke afuy.

Alubad. 7:12 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Alubad. 129:4

Dewa katanya, Yawi matuyan tua. Nu katanya, kanya nafalfas emi siginan at mauri fag ngay taw nu gfagsuguan emi.”

Alubad. 85:4

Dius em tagfalangfe, fafolii em fagmanabayanun, ay falyami wan am dotama sa emi.

Alubad. 9:5

Nafoyung wo at mauri fag ngay talun at taw, ay nafamin wo ku ngay fawayan; we sawad ya sangay at nagdafugan. Ay narasras yangay o anggan at ngay furuan, ay kabavn ban, kanya fag ngay taw wa kamatang ya.

Isayas 27:1

Ginanya ban, Yawi gbitbitan at mabalyanan at maruk fag fiso laman namabul Libyatan, kafag ule daul tagalafang sasad dagat.

Isayas 34:5

Yawi nu ntabu gagbilug at fiso sis banwa, kanya nangagbilug yangay at fiso sas Edum laman namamin.

Esekyel 18:30

“Ngay taw Israel, glong au ayu te, au Yawi at mabalyanan at nanginsaful ay ngay fakamulun. Nu katanya, falyami wan fagayu ay asalanan laman ban diam gafaurianan.

Esekyel 21:23

Furuan Erusalem at ngay taw wa gafanud te, kafasludan ban takatanya sa anya fagayu, aroro kafag ngay taw ansadi sas talun Babilunya. Dewa katanya, Babilunya at fun gfamatang ban sa kafag ngay taw at ngay asalanan, ay gtaban ban sas talun Babilunya.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Mateu 3:10

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

Deuterunumyu 32:41

gfaglat au ku fiso ay gagbilug au gina au namaurianan, ay namasud au ku ngay fawayan ay namaurianan au fagayu takauri angku.