Alubad. 69:21 - Fanawbuid tagsibaliwas Fakayabian

²¹ Ay abat ngate, nafasa ku fakonun sik ganga ay nu ndanum kway, at nafon sa angku at mayat fag sanggvtan.

Alubad. 69:21 ပူးပေါင်းရင်းမြစ်များ

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Eremyas 23:15

Nu katanya, Yawi at Mabalyanan glong sabaliwa kafag ngay taglong te, “Namaon au sa anya fagayu ngay fakonun at mayat ay namainum au at ke ganga fag ngay fanginum aroro kanya fagayu nafafagdaul fagmauriun sas fagdaul talun.”

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Eremyas 9:15

Nu katanya, Yawi at Mabalyanan, taw Israel at Dius glong te, “Namaon au sa anya fagayu at mayat fag ngay fakonun, ay namainum au at maganga fag fanginum.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Mateu 27:34

e nafon sas Isus sik fanlangu at mafasuglatan at mayat, laman gfalay nu ganini. Ay Isus nu nafaskud, wa kaylat ginum.

Mateu 27:48

Ay arodi vtv sadik taw masakit nu namul sik fanrarus ay nafasurung sat mayat fag sanggvtan, ay natvgdan sa sik anyamu ay nafasupsup sas Isus.

Markus 15:23

Ay kanya fagayu nafon sas Isus sik fanlangu mafasuglatan sik lune anangi laman gfalay nu ganini, ay Isus wa kaylat ginum.

Markus 15:36

Ay sik taw natarung laman namul sik fanrarus ay nafabasa sat mayat fag sanggvtan, ay natvgdan sa sik anyamu ay nafasupsup sas Isus. Kafag taw nalong te, “Toyap, gfanya yap tam o Elyas ro kadasug laman namul anya.”

Lukas 23:36

Anggan sanya fag ngay tagfawayan gfalingun anya ay nangakbang ay nafon anya sik mayat fag sanggvtan,

Deuterunumyu 29:18

Tuyani fia te, nusdi sadi si ayu, dewa mangena ay mangama, anggan ay ngay kalongan, ay fagayu ay gaban, di ban kamabo Yawi, ay di ban nanseg tibak talun at ngay fagsegan, laman ban diam umkata sik lalid at menal ay at maganga.