Alubad. 69:20 - Fanawbuid tagsibaliwas Fakayabian

²⁰ Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Alubad. 69:20 ပူးပေါင်းရင်းမြစ်များ

Ub 16:2

“Siginan yay ebi nadungug kwan takatanya. Abat ngate am namasun angku, nafaksvn wayam ku fagidapun.

Alubad. 123:4

Glugo wan nu gidapan ami aroro ngay taw takamatungudun ay takamanagsag maksvn wan nu gfalingun emi.

Alubad. 142:4

Dius, glag wo ngay taw tagsi ku ligung, kanya fagayu we kafanyu ya angku. Ay kwe fagnangakbangan ya taggubuk angku.

Alubad. 42:10

Ku ngay fawayan nu gfauri angku kata sik fiso at kintalfus sa ku bini. Ay kanya fagayu glong way gugat te, “Dada wan am Dius?”

Alubad. 42:6

Ku amatanganan anmomuy. Ku ngay fagidapun kata sik lugwak ay kata sik takalung fag tagbungan nasuklub angku. Aroro e fagidapun kway ste sis Liskung Urdan, ay sis Ermun fag ngay buksul, ay sis buksul Misar, ay kwa mananseg emu sam bale. Dewa katanya, gamatang ktua gugat emu.

Isayas 63:5

Andulo au aroro nusdi sadi we nagubuk angku. Nu katanya, siginan ku fagmabalyananun au way lang at nafalangfe ku ngay taw. Ku dotama wan at nasugu angku laman gfaurianan au ku ngay fawayan.

Mateu 26:56

Dewa katanya, anfasludan takatanya laman namafasludan Dius at ngay taglong at rirukan.” Ay Isus at ngay tagadal fagayu naubun anya ay nalagyu.

Markus 14:37

Ay Isus anfoli sat tagadal fag tulu ay manlag di gtiug way. Ay kanya glong sas Pedru te, “Simun, o gtiug wayo mangaro? Ay wain, o wo maintiuganun ya dewa sik buknga sirut?

Markus 14:50

Ay Isus at ngay tagadal fagayu naubun anya ay nalagyu.

Uan 12:27

“Katsi maksvn nu gafanawa au. O glong au te, ‘Mama falangfei angku siginan ku fagnandalanun ban fag fagidapun’? Duan, ku fagindasugun laman nandalan au takatanya.

Uan 16:32

Kadasug ban tibak buknga ay katsi wan, sumaruayan ban am, ay mesa mandi ban am glao, ay gubun ban am angku gsesadian. Dewa katanya, dakdi gsesadian aroro ku Mama gufud tua angku.

Ebreu 11:36

Tibak taw nafalingunan, ay tibak taw nafalangan, ay tibak taw ankubung masiukan salambitan.