Alubad. 67:4 - Fanawbuid tagsibaliwas Fakayabian

⁴ Ngay taw sas fagdaul daga guseganan ay galubad, aroro matuyan nu ginsaful o anya fagayu, ay gtabanan tuo gugat.

Alubad. 67:4 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 82:6

Nalong au ayu te, ‘Am wan sik ngay dius, ay am yangay, Tiba Tungud fag Dius at ngay sisian.’

Alubad. 9:8

Matuyan nu ginsaful o ngay taw at asalanan sas fagdaul daga, ay di o e fagfili.

Alubad. 96:10

Foyungi sa sangay talun at ngay taw te, “Yawi tua tagfagtainan!” Kanya tua at nawat fagdaul daga ay at nafaogat, nu katanya di guigan. Ay nu gfagtainan, di e fagfili.

Isayas 54:1

Yawi nalong te, “Erusalem, o takata sik mangena tagaranas, alubadi. Alubadi ay uroi useganani, o at yud batang gidapan gfasalug. Aroro am mangama ban dewa naubun emu, umke sisian ban o ayu yap tua sik mangena ke mangama at sisian.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Isayas 60:6

Ay ay talun umkapnu kamelyu siginans Midyan ay Efa. Ay kanya fag ngay taw siginans Syeba umdasug sa emu gbuba gintu ay ngay famaebebanglu fag lune laman nanseg Yawi.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Galasya 4:27

Kata at marirukan sis Dius at Longan te, “Uroi useganani, o fag mangena at yud batang gdalan fagidapun sabaliwa nu gfasalug. Aroro am mangama dewa naubun emu, am sisian ban ayu yap tua tibak mangena at magamut tua gugat at mangama.”

Deuterunumyu 32:43

Ngay talun at ngay taw, fasfuani Dius at ngay taw, uroi fauseganani. Aroro Yawi namasud sat nafabul at ngay fagsuguan ay kanya gfasud sat ngay fawayan, ay gfasine at ngay talun, ay gfalyam at ngay taw at asalanan.