Alubad. 66:2 - Fanawbuid tagsibaliwas Fakayabian

² Alubadi te, Dius sik takadungug, ay suyui tua nu gfauseganan am anya.

Alubad. 66:2 ပူးပေါင်းရင်းမြစ်များ

Nemyas 9:5

Ay Eswa, Kadmiel, Bani, Kasabneya, Serebya, Udya, Sebanya ay Petakya, kanya fagayu sik ngay taw Lebi ay sik ngay tagfangguna ay kanya wan fagayu at nananguro ngay taw laman nanseg. Kanya fagayu glong sa sangay taw te, “Alindugi, ay segi ay Dius Yawi aroro kanya di e fakatabuan.” Ay kanya fagayu glong te, “Yawi, o wan at mauseganan aroro mabalyanan o, ay maksvn nu gfauseganan ami emu.

Alubad. 106:2

Sinu nunda at malong at ngay nafakamulun at mabalyanan? We mafauseganan sa anya at kasakan.

Alubad. 107:15

Nu katanya, kanya nangus fagayu gfauseganan tua gugat Yawi, aroro nu kesug di gbadbalian, ay nafakamulun ngayuk madulo sa sangay taw.

Alubad. 107:22

Kanya nangus fagayu gfon at ngay fanggalangun laman famauseganan Dius, ay galubad guseganan sabaliwa at ngay nafakamulun.

Alubad. 68:33

Alubadi sas Dius, aroro siginan ngay ebi kanya gsakay sis tungud kiwang. Dungugani at mabalyanan fag Dius at aringang takata sik lingsi.

Alubad. 72:18

Segi Yawi, Israel at Dius, aroro kanya way lang at mafakamulun takatanya fag ngay madulo.

Alubad. 79:9

Em tagfalangfe fag Dius, gubuki emi laman mananseg tuami emu. Falangfei emi ay falyami em ngay asalanan, laman ban ngayu tua tagfauseganan emu.

Isayas 42:12

Fauseganani segi Yawi, fagayu am tagsiginan tangayayu fag ngay talun tagsis wabilug dagat.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

At Nafasure 5:13

Ay nadungug au Dius at ngay awatan tagsis banwa, ay tagsis daga, ay tagsis daga daga, ay tagsis dagat, ay fagayu awatan sas fagdaul daga nu galubad te, “Sat malunggung sis faglunggungan ay sas Tupa Riangan, siwa anya fagsegun ay famauseganan ay fagmasineun, ay fagmabalyananun kabavn ban.”