Alubad. 61:2 - Fanawbuid tagsibaliwas Fakayabian

² Siginan sik fungfung daga, guro au emu aroro kwe fagsegun ya. Tabani angku sat mabayan fag fagsuksuanan,

Alubad. 61:2 ပူးပေါင်းရင်းမြစ်များ

Alubad. 142:3

Gina au yud e fagsegun ya, saful o at matuyan fag dalan ku fagnanlaoan. Dewa katanya, ku ngay fawayan nafoli at sangdaw sa ku dalan.

Alubad. 143:4

Nu katanya, kwe fagsegun ya. Ay maksvn wan nu kalimu au.

Alubad. 17:1

Yawi, dungugi ku darangin ay ku fagetun sa emu, aroro ku darangin matuyan, ay kabavn ku ngay nalong matuyan tua.

Alubad. 18:2

O wan ku fagsarigan at mogat ay ku tagbalabag, O wan ku tagfalangfe, ku tagdiri, ay ku taggubuk.

Alubad. 18:46

Yawi, gleleg tuo kabavn! Ay gfauseganan ami emu, aroro o wan at mogat fag fagnansarigan, takata sik gang. Dius, o wan ku tagfalangfe ay ku fagfausegananun.

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Alubad. 40:2

Kata nu si au sik bubun at malifak, kanya nalakwi tua angku ay nafalindug sa sik tungud gang daul, nu katanya anke fagmanabayanun ktua.

Alubad. 42:6

Ku amatanganan anmomuy. Ku ngay fagidapun kata sik lugwak ay kata sik takalung fag tagbungan nasuklub angku. Aroro e fagidapun kway ste sis Liskung Urdan, ay sis Ermun fag ngay buksul, ay sis buksul Misar, ay kwa mananseg emu sam bale. Dewa katanya, gamatang ktua gugat emu.

Alubad. 43:5

Wain yay ku fakabaluun ay ku fagafanawaun? Umke fagsegun ktua nangus sa emu. Ku Tagfalangfe fag Dius, gdog kyay gfauseganan emu.

Alubad. 55:5

Ay kalimu au maksvn gtadtaruyan.

Alubad. 62:2

Kanya way lang ku fagsarigan, ku tagfalangfe ay ku fagsarirungan. Nu katanya, kdi kamomuy.

Alubad. 62:6

Kanya way lang ku fagsarigan, ku tagfalangfe ay ku tagdiri. Nu katanya, kdi gatayukan.

Alubad. 77:3

Ay galay au namatang Dius, kabalu au ay kamomuy.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 54:11

Erusalem, kata fulug nu nadalan emu. Ay gina o gidapan maksvn, we nafasun ya ay e nafabitsug emu. Dewa katanya, gdog kyay namawat emu sat mogat fag fagfatungkudan turuk at mawatan siginan at mameloan fag ngay gang, ay namae dingding kban emu siginan at mafanud fag ngay gang gmedmeloun.

Lukas 22:44

Ay Isus gfaksvn nu gdarangin aroro maksvn nu kabalu, ay at fangenit nu ganting sas daga, kata sik taguk.

Deuterunumyu 4:29

Dewa katanya, nu grvbvy tua ban am gugat ay Dius Yawi sas fagdaul ay amatanganan, lumag ban am anya.