Alubad. 53:3 - Fanawbuid tagsibaliwas Fakayabian

³ Dewa katanya, we matuyan ya! Fagayu taw maksvn at asalanan, ay natalyuyan wan at matuyan fag dalan. Ay nusdi sadi, we gfakamulun ya at masine.

Alubad. 53:3 ပူးပေါင်းရင်းမြစ်များ

2 Samwel 20:2

Nu katanya, ngay taw Israel naubun Dabid ay nanangalo Syeba, Bikri at baguama. Dewa katanya, ngay taw Uda anfamato sis fun ay nanangalo anya siginans Liskung Urdan sas Erusalem.

Ub 15:16

kaugat wa ro ngay taw tagasalanan ay tagugali gugat at mauri.

Alubad. 14:3

Dewa katanya, we matuyan ya! Fagayu taw maksvn at asalanan, ay nasaruy wan at matuyan fag dalan. Ay nusdi sadi, we gfakamulun ya at masine.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Sefanias 1:6

Namamin kyangay tagtalyuyan ay at yud kakbang sa angku.

Ruma 3:12

Fagayu taw nasaruy dalan. Fagayu taw we yud e fagmauriun. Nusdi sadik taw we gfakamulun at masine, duan, nusdi sadi.”

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

3 Uan 1:11

Ku fakesugun, lag o gfaning at fagmauriun, nu bunway faningi tua at masine. Tagfakamulun at masine, kanya Dius at taw. Ay tagfakamulun at mauri, at yud way gtoglag Dius.

At Nafasure 22:11

Nusnga sinu tagfakamulun at mauri, fataglayuni sat fagmauriun. Ay tagfakamulun at masuya, fataglayuni sat fagmasuyaun. Ay tagfakamulun sat masine, fataglayuni sat masine. Ay at yud e malong fag taw, fataglayuni nu yud e malong.”