Alubad. 53:2 - Fanawbuid tagsibaliwas Fakayabian

² Siginans banwa, Dius gdama te, o e ngay taw yay tagtogdungug ay tagrvbvy yay anya.

Alubad. 53:2 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

Ub 28:28

Ay kanya nalong sa sangay taw te, ‘Takalimu tua Fun ay takayayu tua fagmauriun, katanya tua ke fagsafulun ay tagtogdungug.’ ”

Alubad. 10:4

Ay aroro kanya fagayu kamatungudun, wa kaylat nangakbang sas Yawi, ay wa gamatangan ya sa baliwas Dius.

Alubad. 102:19

Siginan at fagbanwanan sbanwa at yud e malong, Yawi gdama fagayu tagsis fagdaul daga,

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 111:10

Nu kaylat o kae fagsafulun, suyui tua Yawi. Ay fagayu tagugali takatanya, saful tua gtogdungug. Kabavn segi anya!

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Eremyas 16:17

Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Deuterunumyu 4:6

Faningi fia tuy fag suguan, aroro siginan takatanya mafasure ban am sa sangay talun ay fagsafulun ay ay fagmatogdungugun ay ay fagmayamagun. Kanya ban fagayu nu nadungug takatanya fag fagaloan lumong ban te, “Anud, tuy fag talun at ngay taw at mabalyanan, e fagsafulun tua ay fagmatogdungugun.”