Alubad. 51:1 - Fanawbuid tagsibaliwas Fakayabian

¹ Dius, afanyui angku aroro mafangesug o. Ay siginan am fakafanyun, falyami fagayu ku asalanan.

Alubad. 51:1 ပူးပေါင်းရင်းမြစ်များ

2 Samwel 11:2

Ay sik fafun, Dabid nasas tungud bale ay glodloan. Ay kaduge kamanawan, kanya nalag sik mangena gigus. Kafag mangena masine mandi.

Nemyas 4:5

Lag kafanyu ya anya fagayu aroro gfauri emu si em salubangan, ami fag ngay takawat alad.”

Alubad. 106:45

Ay Dius namatang at nasadian sat ngay taw, ay siginan nu mafangesug, di nafataglayun nu kadotama at ngay taw.

Alubad. 106:7

Kanya fagayu, dewa yay sis talun Igiptu, wa gamatang ya Dius at nafakamulun fag ngay madulo. Ay nalyam yangay at ngay nafakamulun at masine, ay nafamabo anya sis Dagat Maraska.

Alubad. 109:21

Yawi, ku Dius, gubuki angku laman gfauseganan ktua gugat emu. Ay falangfei angku aroro matuyan tuo ay mafangafanyu.

Alubad. 119:124

Fakamuluni sa angku am fagsuguan kata nu mafangesug o. Ay foyungi sa angku am ngay foyungan.

Alubad. 145:9

Yawi, matuyan tuo sas fagayu, ay kafanyu tuo fagayu am nawat.

Alubad. 4:1

Dius, o wan taglong te, sik taw ktua matuyan. Balusi angku galay au gdarangin. Gina au sis fagidapun nafalangfe tuo angku. Katsi afanyui angku ay balusi ku darangin.

Alubad. 40:11

Yawi, afanyui tua gugat angku aroro matuyan tuo, ay dirii gugat angku aroro mafangesug tuo.

Alubad. 5:7

Dewa katanya, siginan am kamafangesugan, mananakbo ktua sam bale fakafulan laman kamababaun au nanseg emu.

Alubad. 51:9

Ay falyami wan fagayu ku asalanan, ay lag gamatang ya.

Alubad. 69:13

Yawi, dewa katanya, gdarangin au sa emu. Balusi ku fagetun gina sim nafalganan fag buknga, ay falangfei angku aroro mafangesug o.

Alubad. 69:16

Yawi, dungugi angku, aroro mafangesug tuo. Ay gubuki angku aroro mafangafanyu tuo.

Alubad. 77:9

O kanya manga nalyam wan nu gfangafanyu? O siginan wa manga fia at dotama at fagyudun ya mafangafanyu?”

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Isayas 63:7

Namoyung au sabaliwas Yawi at fakesugun. Gfauseganan au anya sas fagayu at nafakamulun sa antam. Ngayu at nafakamulun sa antam fag ngay taw Israel, aroro maksvn nu kafanyu ay nu kesug antam.

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Takabalu 3:32

Kanya dewa gfaurianan antam, gfalag sa antam at fakafanyun ay nu kesug yud e fakatabuan.

Daniel 9:18

Em Dius, dungugi angku. Damai, maksvn nu gidapan ami. Wami gdarangin laman gfatoglag ami te, matuyan ami, nu bunway gfasaful ami te, mafangafanyu tuo.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

Kulusas 2:14

Dius nafaut wan fagayu at rirukan sabaliwa tam ngay fakamaboun, ay nafalyam wan fagayu siginan tam Fun Isus at narabingan sas fasulungan kayu.