Alubad. 45:9 - Fanawbuid tagsibaliwas Fakayabian

⁹ Tagsim bale fag ngay mangena, tibak talun at fun at ngay baguina. Am fabubayan malindug sibaliwa am siun, ay e ngay famasine sit ngay afud bilug mawatan siginans gintu tagsiginans Ufir.

Alubad. 45:9 ပူးပေါင်းရင်းမြစ်များ

1 Fun 10:11

Fun Kiram at ngay sakayan lino e buba gintu siginans Ufir, magamut ngayuk kayu at masine, ay at mafanud ayu daul fag ngay gang.

1 Fun 2:19

Nu katanya, Batseba nasas fun Sulumun laman nanlong anya sabaliwas Adunya at fagetun. Fun Sulumun nu nalag anya, namalindug laman namablang anya, ay narungan laman gsuyu. Ay nasugu te, “Buli sik faglunggungan sa ku mina.” Ay Batseba namalunggung sas Sulumun at siun baliwa.

1 Fun 2:9

Ay katsi, faurianani wan anya. E fagsafulun o, ay saful wo nu setain am fakamulun sa anya. Fabuli anya dewa mafufuama.”

1 Krunika 1:23

Ufir, Abila ay Ubab. Kanya fagayu Uktan at ngay baguama.

Ub 22:24

Lag o kesug am ngay ramraman; tuyani te, at kamafanudan kata way ngay lagnas ay gang sis liskung.

Alubad. 45:13

Masine tua fun at fabubayan, ay masakboan sit sadili fagtiugan. Ay at lanbung mafasinean siginans gintu.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Fangatulun 7:17

ay naugwag au sanya famaebebanglu fag lune, ay sikya, ay tiba yak famaebebanglu.

Sulumun at Alubad 7:1

Ku fakesugun fag baguina, at kasine o, kata o fun at baguina! At kasine am ngay darafa tagalapakan! Am ngay balangbang gbia ay masine kata sik ngay famasine, tagsaful fia kawat at nawat.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

At Nafasure 19:7

Guseganan tam ay gfanagsag ay gfauseganan tam anya, aroro Tupa Riangan nu kadadwa fag menit andasug wan, ay at fabubayan nafalganan wan at sadili.

At Nafasure 21:2

Ay nalag au at bagu fag furuan daul Erusalem at yud e malong nu kadaga siginans banwa siginans Dius. Kanya fag furuan kata sik mangena at nangadadwa, at mafalganan wan namablang at fainduganan.

At Nafasure 21:24

Fagayu talun at ngay taw glao ban sat yamag, ay fagdaul daga at ngay fun ayu daul namuba sanya at fagmaramramanun.

At Nafasure 21:9

Ay kafag fituk tagbarita ebi at ke ba taya mapnu taguyan fag fituk faurianan, at sadi ankakbang sa angku ay glong te, “Gewan. Namalag au sa emu Tupa Riangan at bubay.”