Alubad. 45:3 - Fanawbuid tagsibaliwas Fakayabian

³ Taudani am fiso sim fagwan, aroro o wan at maseganama fag tagfawayan. Ay o wan at mabalyanan ay at mauseganan fag fun!

Alubad. 45:3 ပူးပေါင်းရင်းမြစ်များ

Ub 1:16

Ay kaduge kafag fagsuguan garingang, sik fagsuguan andasug yangay ay glong te, “Sik limbad nairug wan am ngay tupa gasfuan ngay tagulit, ay au way lang at nalagyu laman nanlong sa emu.”

Alubad. 104:1

Gfauseganan au Yawi. Yawi ku Dius, mabalyanan tuo. Am fagmabalyananun ay am fagmasineun, kanya wan tuga am lanbung.

Alubad. 145:12

Nu katanya, fagayu ban taw sumaful te, am ngay nafakamulun madulo, ay nu gfagtainan o, masine tua.

Alubad. 145:5

Gamatangan kban gugat sabaliwa am fagmasineun ay am fagmabalyananun, ay sabaliwa am ngay nafakamulun at madulo.

Alubad. 21:5

Aroro nafababo tuo anya, kanya ansik takadungug ay ansik mabalyanan.

Alubad. 96:6

Siwa anya fagmasuyuun ay fagmatuyanun, ay kalag sit bale at fagmabitsugun ay at fagmasineun.

Sulumun at Alubad 2:3

Nu namasudsudan sa tibak ngay baguama, ku fakesugun fag mangama kata sik fun kayu bolu tagsis wabilug ngay kayu tagsisad araw. Kaylat au nanmalunggung sat lanbung, ay at rawvg matamis.

Sulumun at Alubad 5:13

Ay at fingi nu kayuk kata sik tanuman fagbulan fangawat ngay famaebebanglu, ay at lislis kata sik barugwak at maylat kasutsut.

Isayas 49:2

Ku longan kata sik fiso at maglat. Ay Yawi nalaga angku siginan at fagmabalyananun. Kata au sik banyas at mafasinean tagsiwas godun.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Ruma 14:9

Aroro tam Fun Isus at faginbulun ay at fagnadogun naleleg laman kanya wan at ngay tagleleg ay at ngay mabulan at Fun.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

Ebreu 8:1

Katatuy fagdaul ku foyungan ayu te, e tiba tungud tam fag tagfon fanggalangun at malunggung sis banwa sat mabalyanan fag Dius at siun.

Udas 1:25

Sadi way tam Dius tam Tagfalangfe. Siwa anya fagmasineun ay fagmabalyananun ay fagmafagtainanun ay fagmafunanun siginan tam Fun Isus siginans fakasigadan, dasug katsi ay kabavn ban. Anud.

At Nafasure 1:16

Ay at siun fag daluap gbitbitan fituk galeme ay siginan at bibig e naduksun sik fiso maglat gsumbalian at uyup. Ay at mata maksvn nu masulo kata nu gina sis buknga menit.

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

At Nafasure 19:21

Ay tagsakay sit malaksi fag kabayu nafabul at sawad fag ngay taw, ay at famabul sik fiso tagsumbalian at uyup at naduksun siginan at bibig. Ay fagayu manuk tungud napsug kafag ngay taw at bilug.

Tagfangguna 3:16

Gina Eud galoun, nawat sik fiso tagsumbalian at uyup, at kabaan gwabilug sangbada. Ay nataud sit siun baliwa fag balangbang sit daga lanbung.