Alubad. 41:1 - Fanawbuid tagsibaliwas Fakayabian

¹ Mauseganan sik taw nu ggubuk tua ngay taw at yud e kwa. Nu nke fagidapun, Yawi ggubuk yangay anya.

Alubad. 41:1 ပူးပေါင်းရင်းမြစ်များ

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Alubad. 34:19

At matuyan fag ngay taw ngayu at fagidapun, dewa katanya, Yawi gfalangfe tua anya fagayu siginan at ngay fagidapun.

Alubad. 37:19

Kanya fagayu dewa anke fagidapun, di kapla, ay dewa andasug fanlunus, kasakan tua gugat.

Alubad. 37:26

At matuyan fag taw kabavn kamon tua ay kamaulbus, ay at ngay sisian sik fagulitan tua.

Fangatulun 14:21

Takauri at iba asalanan way, dewa katanya, taggubuk at yud e kwa, e ggubuk yangay ban anya.

Fangatulun 16:14

Sik fun nu ndotama way, tibaginan e kabul fia, nu katanya, ke fagsafulun fag taw gugatan tua gfalukmeanan at fun.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Eremyas 39:17

Dewa katanya, ginanya ban, gfalangfe au emu. Kwa ban gfon emu sa am fakalimuun fag ngay taw.

Markus 14:7

At yud e kwa ste way gugat, ay nusnga ginain nu kaylat am, magubuk am anya. Ay dewa katanya, bunwa ban kabavn nu magamut au ayu.

Fakamulun 20:35

Sas fagayu ku nainlufuyan nafalag au ayu te, masine nu ggubuk at ngay mamomuy, ay gamatangan tam Fun Isus at longan te, ‘Amauseganan yap tagfon nu gamut tagbul.’ ”

Galasya 2:10

Ay kanya fag tulu nalong sa emi te, lag gfabayan ngay yud e kwa, ay katanya wa fia ku fakaylatun ku fagnamakamulunun.

1 Tesalunika 5:14

Em ngay faduksay, glong ami ayu te, famatangi sat ngay momuy laman gfakamulun tua, ay fabitsugi at mamomuy at fagafanudun ay gubuki at yud e fagmakatuun, ay mafangagwantai tua sas fagayu taw.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

At Nafasure 3:10

Nafaning tuam ku suguan ayu te, agwantani. Nu katanya, gdiri ktua ban ayu, dewa ban andasug faurianan sa sangay taw sas fagdaul daga.

Rut 2:19

Ay Nuemi nainto anya te, “Dada nu nanfamuyutan o? Sinu ke gamasun? Dius nangus gfamanyun kanya fag taw at namalukme sa emu.” Ay Rut nabalus te, “At ke gamasun Buas.”