Alubad. 40:8 - Fanawbuid tagsibaliwas Fakayabian

⁸ Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Alubad. 40:8 ပူးပေါင်းရင်းမြစ်များ

Ub 23:12

Gfaning au at ngay suguan ay gdiri au fia at ngay longan si ku amatanganan. Ay gfamafanud au at ngay longan gtungud tua ku ngay fakonun kayu menit.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 119:16

Guseganan ktua ban gugat am ngay foyungan, ay kdi ban kalyam am ngay longan.

Alubad. 119:24

Am ngay foyungan gfae fagusegananun tua gugat angku, ay kanya ku takamoyung.

Alubad. 119:47

Kesug au am ngay suguan, nu katanya, guseganan au gfaning.

Alubad. 119:92

Am faugali yaman gfasun gugat angku, anbul kwa ro sas fakabaluun.

Fangatulun 3:1

Ku sisian, lag o kalyam ku ngay foyungan emu. Fasii tua gugat am amatanganan ku ngay suguan.

Eremyas 15:16

Yawi, ebi gina o garingang sa angku, nadungugan au emu, ay guseganan au am ngay longan, ay kabavn si ktua gugat emu.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Ruma 7:22

Sas fagdaul ku amatanganan guseganan au sas Dius at Faugali.

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

2 Kurintu. 3:3

Mayamag te, sik rirukan am tagsiginan tam Fun Isus at nafabuba sa emi. Ay at fanriruk kafag rirukan bunwa fanriruk, nu bunway tagleleg tua fag Dius at Falad. Ay nu griruk wa sas dalifi, sa tuas taw at amatanganan.