Alubad. 4:7 - Fanawbuid tagsibaliwas Fakayabian

⁷ Nu guseganan au sa emu, natungud tua ngay taw at nangayu at gutluan nu guseganan.

Alubad. 4:7 ပူးပေါင်းရင်းမြစ်များ

Alubad. 31:17

Yawi, gfainfanyuan au sa emu te, lag gfabayan nu gafaplan au. Dewa katanya, at mauri nangus fag ngay taw umkapla wan, ay kanya fagayu glao sat manabayan fag fagfolian.

Alubad. 37:4

Useganani sas Yawi, ay kanya gfon emu am fakaylatun.

Alubad. 43:4

Dius, nu katanya, nangakbang au sas fagirugan fanggalangun laman sa emu. O wan tagfon angku at mauseganan. Ku Dius, gseg au emu siginan nu gfawang au fagfawangun.

Alubad. 67:2

laman fagayu talun at ngay taw sumaful am ngay balyawvtan ay nu gfalangfe o.

Alubad. 80:4

Yawi, at Mabalyanan fag Dius, Seduge ya ban nu kadotama o gugat emi? Ay ginain ya ban nu gbalus o em darangin?

Alubad. 92:4

Yawi, nafae fagusegananun tuo angku, siginan am ngay nafakamulun at madulo, nu katanya, galubad au guseganan sa emu.

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Isayas 9:3

Yawi, gfayu ban o kanya fag ngay taw, ay gfon ban o sa anya fagayu sik maksvn fag fagusegananun. Kanya ban fagayu guseganan sam daga salubangan kata ngay taw taguseganan gina fanggutluan, ay kata yangay sik ngay taw taguseganan gina gafudan at nabul fag ngay ramraman siginan at nababo fag ngay fawayan.

Eremyas 48:33

Sis talun Muab we guro ya guseganan ay gfanagsag sa sangay gamasun ay sa sangay tanuman wat ubas. Ay we gfamilugan ya sit ngay fagturisan. Ay we guro ya guseganan gturis sa sangay fagturisan. E guro yay oma dewa katanya, bunwa te, guseganan.

Tap 6:25

ay gfalag at fagmatuyanun ay at fakafanyun sa ayu;

Fakamulun 14:17

Dewa katanya, Dius nafalag tua sa ayu te, kanya si wa gugat ayu siginan at ngay fakamulun at masine. Dius nafadasug sa ayu arak ay faggutluun sit kasakan fag buknga, laman e fakonun tuam ay guseganan.”

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

Tagfangguna 9:27

Gina fanrawvgan ubas, ngay taw nawat fanlangu siginans rawvg ubas. Ay kanya fagayu anke fagmafulun ay nafauseganan at fagsegan sit fagsegan at bale. Ay kaduge kon ay ginum fanlangu, ngay taw gfalingun Abimelek.