Alubad. 4:5 - Fanawbuid tagsibaliwas Fakayabian

⁵ Afanudi sas Yawi, ay foni sa anya ay ngay fanggalangun at kasakan.

Alubad. 4:5 ပူးပေါင်းရင်းမြစ်များ

2 Samwel 15:12

Gina Absalum gfon fanggalangun, kanya nafauro Akitufel tagsiginans furuan Gilu. Akitufel Dabid at tagfalu longan at sadi. Ay ngayu at nangasadi sas Absalum, nu katanya, Absalum kaugat yay nu nangasaman siginans Dabid.

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Alubad. 26:1

Yawi, fatuyani te, kdi e asalanan, aroro gugali ktua sat matuyan, ay maksvn nu gafanud au sa emu ay kwa gawabilugan ya.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 50:14

Ku fakaylatun ay fanggalangun sa angku ay fagusegananun tua, ay nu gfafasludan am ay ngay fatuyanan sa angku, Tiba Tungud fag Dius.

Alubad. 51:19

Nu katanya tua, guseganan tuo at matuyan fag ngay fanggalangun, kata fagirugun fag ngay fanggalangun at yud e buin, ay fanggalangun fag ngay baka, em fagnangirugun sam fagirugan.

Alubad. 62:8

Dius at ngay taw, afanudi sa anya kabavn! Ay fasurei sa anya fagayu ay namatangan, aroro kanya wan tagdiri ayu.

Alubad. 77:7

“O tam Fun Dius ban manga nu gaiyan angku, kaduge tua nu gleleg au? Ay o waban manga kaylat ya angku?

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Malakyas 1:8

“Ay fanggalangun sa angku ngay fagbaugun way at yud glag, ay tagalbi ay at ke fakasaitun. Takatanya fagayu masuya way! Ay agvd, namon am takatanya fag ngay fanggalangun sa ay fun, o guseganan ro?”

Mateu 5:23

“Aroro katanya, kaduge o gfon am fanggalangun sas Dius sas fagirugan fanggalangun, ay nu e namatangan yay o am nasalan sam faduksay,

Deuterunumyu 33:19

Ay kanya ban fagayu guro tibak taw laman glao sat fagagbilugun fag buksul laman namon sas Dius at matuyan fag ngay fanggalangun. Kanya ban fagayu guseganan aroro ngayu ban at ramraman siginans tigyangan ay fagngabasadan dagat.”

1 Pedru 4:19

Nu katanya, anggan am at ngay tagagwantan at maidap kata Dius at fakaylatun, fatigwanani ay sadili sas Dius, at Nawat ayu. Ay fataglayuni nu gfakamulun am at masine.