Alubad. 4:3 - Fanawbuid tagsibaliwas Fakayabian

³ Asafuli te, Yawi nafasaman at matuyan fag ngay taw laman sa anya. Nu katanya, Yawi gbalus tua ku ngay darangin.

Alubad. 4:3 ပူးပေါင်းရင်းမြစ်များ

Alubad. 31:23

Am fag ngay taw at matuyan sas Yawi, esugi anya. Aroro kanya gdiri tua at matuyan fag ngay taw. Dewa katanya, kanya gfaurianan ngay taw takamatungudun kata at ngay nafakamulun.

Alubad. 34:15

Yawi gulit tua ngay taw at matuyan ay gdungug tua at ngay darangin.

Alubad. 49:3

Namoyung au at mamatanganan fag ngay longan, ay siginan ku foyungan, umke fagsafulun tuo.

Alubad. 50:5

Ay kanya glong te, “Fafuli stie sa ku daga salubangan ku ngay taw at kinsadi sa angku siginan nu gfon fanggalangun.”

Alubad. 56:9

Dius, nu naet au sa emu gubuk, ku ngay fawayan lumagyu. Nasaful kwa te, o wan ku taggubuk.

Alubad. 6:8

Fagayu ku fawayan, ayayui wan siginan angku, aroro Yawi nadungug nu gwayway au.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Nu Galin 33:16

Tain way ban tibak taw nu gsaful te, guseganan o angku ay anggan am ngay taw? Ay tain ro em fagsamanun fagayu taw sis fagdaul daga, nu dway o nangalo ya emi?”

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.