Alubad. 3:3 - Fanawbuid tagsibaliwas Fakayabian

³ Ay at mafanud, o wan ku tagbalabag. Nafasik takadungug tuo angku, ay nafababo tuo angku sa ku ngay fawayan.

Alubad. 3:3 ပူးပေါင်းရင်းမြစ်များ

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

Fakasigadan 40:13

Wa kafus tuluk menit, Igiptu at fun namalfas ban emu siginans fagubungan ay gfafoli ban emu sa am fanambagun tagtalin fanginum.

2 Fun 18:30

Lag am gafaylatan, kanya gina gafanud sas Yawi glong te, ‘Matuyan wan Yawi namalangfe wan antam, ay di ban gfatigwanan ya tuy fag furuan sas Asirya at fun.’

2 Fun 18:32

yakmay au umdasug ay tumaban au ayu sa sik talun kamasine yangay ay talun, tangayu at ubas ay fagnamulan ay fanlangu ay ngayu yangay at fangawat tinapay, ay ngay fun ulibu ay deut. Sanya ban nu gleleg tuam ay di ban am kabul. Lag am gdungugan Esekyas; kanya kamuag way sa ayu te, ‘Yawi wan tagfalangfe antam!’

2 Fun 25:27

Ay gina sis fatuluk safulu e fituk banwa, Yuyakin, Uda at fun, nu maubungan, Ebil-Merudak ansik fun sis Babilunya. Ay kanya nafalfas Yuyakin sis faduak safulu e fituk menit sis falabi duak magdanun ginanya fag banwa.

Alubad. 110:7

Kanya ban fag Fun ginum si sik bukbuan tagsis tigyangan dalan, ay gdog yay ban kabitsug ay gbabo.

Alubad. 119:114

O wan ku fagsegan ay ku tagbalabag. Ay am ngay longan ku fagsegan.

Alubad. 18:2

O wan ku fagsarigan at mogat ay ku tagbalabag, O wan ku tagfalangfe, ku tagdiri, ay ku taggubuk.

Alubad. 27:6

Nu katanya, gbabo ktua ku ngay fawayan si ku ligung. Ay gina au gfon fanggalangun sis Yawi at bale, guro au guseganan ay galubad au gfauseganan anya.

Alubad. 28:7

Gfabitsug tuo ay gdiri angku. Gafanud au sa emu sas fagdaul ku amatanganan. Nu katanya, galubad au gfauseganan emu.

Alubad. 4:3

Asafuli te, Yawi nafasaman at matuyan fag ngay taw laman sa anya. Nu katanya, Yawi gbalus tua ku ngay darangin.

Alubad. 62:7

Dius wan ku tagfalangfe ay tagfasik takadungug angku. Kanya wan at mogat ku fagsarigan ay ku tagdiri.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Deuterunumyu 33:29

Ngay taw Israel, mauseganan tuam! We gfasud ayu, aroro ay Yawi nafalangfe ayu, Yawi wan ay tagdiri ay ay taggubuk, Yawi yangay tagfawayan laman sa ayu. Ay ngay fawayan ban galafangan sabaliwa ayu, ay gsiad ban am at ngay guyuy.”

At Nafasure 21:11

Kafag furuan ganinag siginan Dius at fagmasineun, ay at yamag kata sik mesug fag gang, kata sik mayamag fag gang mameloan.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.