Alubad. 27:9 - Fanawbuid tagsibaliwas Fakayabian

⁹ Lag gsuksuan angku! Lag kadotama ay gaiyan angku, am fagsuguan. Ay gubuki tua gugat angku. Ku Dius, lag gfabayan ay gubun angku, aroro o wan ku tagfalangfe.

Alubad. 27:9 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Alubad. 102:2

Lag nangus gsuksuan angku gina au e fagidapun; abat ngate, dungugi ay balusi angku masakit.

Alubad. 102:3

Aroro ku leleg gakalyamun wan kata sik anus, ay ku bilug masugba kata nu kairug.

Alubad. 119:121

Kabavn ku fakamulun at matuyan tua ay at masine, nu katanya lag gfabayan ku ngay fawayan nu gbabo angku.

Alubad. 13:1

Yawi, seduge ya ban nu yud o gamatang angku? O kabavn tua ban? Ay seduge ya ban nu gsuksuan o gugat angku?

Alubad. 143:7

Yawi, gubuki angku masakit, aroro kwe fagsegun ya. Ay lag gtalyuyan angku, aroro mankata au ngay taw at kinbul wan.

Alubad. 24:5

Takatanya ban fag taw mul famonun siginans Yawi. Ay at tagfalangfe fag Dius gfalyam wan at asalanan.

Alubad. 44:24

Wain am fagsuksuanun emi, ay am fagyudun kasalag em ngay fagidapun? Wain am fagyudun gfaragang ngay taw nu gfaurianan emi?

Alubad. 51:11

Lag gaiyan angku siginan am day tigyangan, ay lag gfayayu am Masine fag Falad siginan angku.

Alubad. 69:17

Lag o gsuksuan angku. Gubuki angku aroro e fagidapun au.

Alubad. 69:18

Akbangi ay falangfei angku siginan ku ngay fawayan.

Alubad. 88:1

Yawi, kayu menit ay yabi guro au sa emu, aroro o wan ku tagfalangfe.

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 59:2

Ay ngay asalanan wan tagfayayu ayu siginans Dius ay kanya wan at malong at faginyayuun ayu ay at fagyudun gbalus ay darangin.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Ebreu 13:5

Lag am galabian salapi. Useganani wan nusnga seyu ay ramraman. Aroro Dius nalong te, “Kdi gubun ay kdi gfabayan emu.”

1 Samwel 7:12

Sanya ginan, Samwel nabul sik gang ay nafasis wabilug Mispa ay Sen. Ay kanya nafangayan kafag gang te, Ebeneser, aroro kanya nalong te, “Dasug katsi, Yawi ggubuk tua emi.”