Alubad. 26:9 - Fanawbuid tagsibaliwas Fakayabian

⁹ Lag gfaurianan angku, kata am fakamulun sa sangay taw tagasalanan. Ay lag yap gfabul angku kata nu gfabul o takamabul fag ngay taw.

Alubad. 26:9 ပူးပေါင်းရင်းမြစ်များ

2 Samwel 16:7

Ay Simei gfalingun Dabid te, “Lag o gsakbo sa em furuan, sik takamabul way o ay at mauri fag taw!

2 Samwel 21:1

Gina fun Dabid gfunan, anke fanlunus tuluk banwa. Nu katanya, fun Dabid nandarangin sas Yawi. Ay Yawi nabalus anya te, “Anfasludan takatatuy aroro Saul ay at ngay kalongan nafabul ngay taw Gibyun.”

Alubad. 139:19

Ku Dius, nangus fabuli wan at mauri fag ngay taw. Ay am fag ngay taw takamabul, ayayui siginan angku!

Alubad. 51:14

Ku tagfalangfe fag Dius, falyami ku asalanan, aroro nafamabul au. Nu katanya, guro au guseganan, aroro nafalangfe tuo angku.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Mateu 24:51

ay namaurianan anya maksvn, ay namalo sa sangay takamaningan. Ay kanya ban gwayway gugat sanya ay gfaringgit at bagang.

Mateu 25:32

Ay fagayu talun at ngay taw kaful ban, laman nangakbang sa angku. Ay ginanya ban gfainkafudan au ngay taw, kata sik tagalaga fagbaugun nu gfainkafudan at ngay tupa ay at ngay kambing.

Mateu 25:44

“Ay kanya fag ngay taw gbalus ban angku te, ‘Em Fun, ginain nunda nu glag ami emu nu kalunus o, ay nu kadanum o, ay nu kata sik betaw, ay nu yud o e lanbung, ay nu e fakasaitun o ay nu maubungan o, ay nu yud ami ggubuk emu?’

Mateu 25:46

“Ay kafag ngay taw umdasug ban sas faurianan at yud e fakatabuan, ay at matuyan fag ngay taw umdasug tua ban sas leleg at yud e fakatabuan.”

1 Samwel 25:29

Yawi ban nangus gfalangfe emu sas nusnga sinu at ke algan namabul emu. Ay Yawi ban nangus gfayayu am ngay fawayan, kata sik aruranggut nu gfaukas sik gang.