Alubad. 26:3 - Fanawbuid tagsibaliwas Fakayabian

³ Aroro gamatang ktua gugat nu mafangesug o, ay gugali ktua at matuyan.

Alubad. 26:3 ပူးပေါင်းရင်းမြစ်များ

2 Fun 20:3

“Yawi, amatangani tua ku ngay nafakamulun at matuyan ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

Alubad. 101:2

Ay dewa kban si ku bale, nangugatan au namakamulun at matuyan. Yawi, ginain ya ban nu kadasug o sa angku?

Alubad. 119:142

Am fagmatuyanun we fakatabuan. Ay am faugali matuyan.

Alubad. 25:5

Foyungi sa angku nu setain nu nangugali au at matuyan, aroro o wan ku Dius ku tagfalangfe. O way lang ku fagsegun.

Alubad. 52:1

Sik takadungug o fag taw, ay wain am fakamatungudunun sam fagmauriun? O nunda ebi ginan Dius at fagfangesugun wa gugat si emu?

Alubad. 86:11

Yawi, foyungi sa angku am balyawvtan laman mafafaning au am fagmatuyanun. Fasadii ku namatangan, laman gsuyu ktua emu.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Lukas 6:36

Afanyui, kata ay Mama nu mafangafanyu.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Efesu 4:32

Nu bunway, madmalukmeani tua ay edkesugani, ay fadfalyamani tua nu nke fagmauriun sa ay iba, kata Dius nu gfalyam ay asalanan siginan tam Fun Isus.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

2 Uan 1:4

Guseganan au nu nalag au am sisian tiba nu gfaning at Matuyan kata tam Mama sis banwa at suguan antam.

3 Uan 1:11

Ku fakesugun, lag o gfaning at fagmauriun, nu bunway faningi tua at masine. Tagfakamulun at masine, kanya Dius at taw. Ay tagfakamulun at mauri, at yud way gtoglag Dius.