Alubad. 24:3 - Fanawbuid tagsibaliwas Fakayabian

³ Sinu ro at manangundaud sas Yawi at nafili fag buksul? Ay sinu at masine nanmalindug sas Dius at bale?

Alubad. 24:3 ပူးပေါင်းရင်းမြစ်များ

1 Krunika 15:1

Dabid nafawat tagbia fag ngay bale sit furuan laman at bale. Ay nafawat yangay sik bale ramit laman fagfasakboan Fagsuadan Dius at Nasadian, ay nafasakbo sanya.

Alubad. 15:1

Yawi, sinu ban at mananakbo sam bale ay at namanwan sam nafasaman fag buksul?

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 65:4

Mauseganan am nafili fag ngay taw, ay am nataban sam bale laman namanwan. Nafon o emi at masine ay at kasakan nusnga setaw sim bale.

Alubad. 68:18

Ay gina o naundaud sa tiba tungud fag tungud buksul, nataban o ngayuk taw at nababawan ay at nagamatan. Ay nabul o ngay fanggalangun siginan sangay taw, anggan siginan at ngay nafamatungudun emu. Yawi em Dius, katsi gbanwan o sanya.

Esekyel 44:5

Yawi nalong sa angku te, “Taw at baguama, dungugani fia ku longan sa emu sabaliwa ngay faugali sa ku bale. Asafuli te, sinu fag taw at masakbo ay at yud masakbo.

Esekyel 44:9

Nu katanya, au, Fun Dius Yawi glong au te, nusnga sinu fag taw at yud gafanud sa angku tagsiginan tibak talun wa masakbo sa ku bale, dewa kanya fag taw gbanwan si ay talun.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Malakyas 3:1

Dungugani, Yawi at Mabalyanan glong te, “Namadasug kban ku fagsuguan laman namalganan ku dalan. Sanya ginan, ay fagfanyaun fag Fun umdasug wan sat bale. Kadasug ban ku fagsuguan at namafasludan ku nasadian.”

Uan 13:36

Simun Pedru ginto te, “Ku Fun, dada ban o?” Isus gbalus te, “Katsi, yo manangalo angku sa ku fagnangadasugan, ay dewa katanya sa ban tibak menit manangalo tuo angku.”

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.