Alubad. 23:3 - Fanawbuid tagsibaliwas Fakayabian

³ Kanya gfon angku sik bagu fag fagmabitsugun, ay gtabanan angku sat matuyan fag dalan laman namauseganan au anya.

Alubad. 23:3 ပူးပေါင်းရင်းမြစ်များ

Ub 33:30

Kanya gfalangfe ngay taw siginans fakabulun, laman ngay taw gleleg tua.

Alubad. 106:8

Dewa katanya, kanya nafalangfe tua anya fagayu, laman gfauseganan anya, ay gfalag at fagmabalyananun.

Alubad. 109:21

Yawi, ku Dius, gubuki angku laman gfauseganan ktua gugat emu. Ay falangfei angku aroro matuyan tuo ay mafangafanyu.

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Alubad. 19:7

Yawi at suguan matuyan tua. Ay at ngay foyungan mafanud, ay mafon fagsafulun sat yud e fagsafulun.

Alubad. 31:3

O wan ku fagnanuksuanan. Nu katanya, tabanani ay ufudi angku, laman kabavn gfauseganan ktua emu.

Alubad. 31:4

Fayayui angku siginan ku ngay fawayan at sangdaw, aroro o wan ku fagsarigan.

Alubad. 34:3

Gewan, gfauseganan tam Yawi, ay gfabat tam at ngayan.

Alubad. 5:8

Yawi, ngayu ku fawayan, nu katanya, tabani angku laman mafafaning ktua am fakaylatun. Ay gubuki angku laman lumao au sam dalan.

Alubad. 51:10

Dius, foni angku at matuyan fag amatanganan, ay fafolii ku fagmatuyanun.

Alubad. 51:12

Ay fafolii sa angku fagusegananun, kata ebi gina o gfalangfe angku, ay foni angku sik amatanganan at mafamaning.

Alubad. 79:9

Em tagfalangfe fag Dius, gubuki emi laman mananseg tuami emu. Falangfei emi ay falyami em ngay asalanan, laman ban ngayu tua tagfauseganan emu.

Alubad. 85:13

Fagmatuyanun kata sik taglong, tagguna kadasug laman namalganan Fun at dalan.

Fangatulun 4:11

Nafoyung kwan sa emu fagsafulun, laman gbanwan o sat matuyan.

Fangatulun 8:20

Glao au sat matuyan ay sat mafanud fag dalan.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Eremyas 31:25

Ay ginanya ban gfafiangalay au fagayu takalufuy ay gfabitsug kban fagayu at mamomuy aroro kalunus. Nu katanya, ngay taw ban glong te,

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Esekyel 20:14

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung ku ngay taw, at nasaful te, au wan at nafalfas ngay taw Israel siginans talun Igiptu.

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.