Alubad. 20:3 - Fanawbuid tagsibaliwas Fakayabian

³ Kanya nangus kaylat tua fia fagayu am fanggalangun, ay anggan yangay am fagnangirugun fag ngay fanggalangun.

Alubad. 20:3 ပူးပေါင်းရင်းမြစ်များ

Fakasigadan 4:4

Ay Abel nabuba at fagbaugun tiba at ngay riangan taguna, ay nafilas laman at fanggalangun, ay nafon sas Yawi at masine fag afud. Ay Yawi guseganan Abel at fakamulun ay at fanggalangun.

1 Krunika 21:26

Sanya ginan, Dabid nawat sanya sik fagirugan fanggalangun laman sas Yawi, ay kanya nafon at fagirugun fag ngay fanggalangun, ay at ngay fanggalangun laman sas fagmanabayanun. Ay Yawi nabalus anya siginan nu gfadasug afuy siginans banwa laman tagirug ngay fanggalangun sis fagirugan.

2 Krunika 7:1

Sulumun nu ntabu gdarangin, e afuy andasug siginans banwa ay nairug at fagirugun fag fanggalangun ay tiba ya at fanggalangun, ay Yawi at kamasuloan ankapnu sat bale.

Alubad. 128:5

Yawi ban nangus gfadasug at gubuk sa emu siginan at bale tagsis Buksul Siun. Ay kaduge ban o nangus gleleg, Erusalem e fagmanabayanun tua.

Alubad. 134:3

Yawi wan at nawat banwa ay daga, ay kanya gbanwan sis furuan daul Siun. Kanya nangus gfon sa ayu nusnge wain.

Alubad. 51:19

Nu katanya tua, guseganan tuo at matuyan fag ngay fanggalangun, kata fagirugun fag ngay fanggalangun at yud e buin, ay fanggalangun fag ngay baka, em fagnangirugun sam fagirugan.

Isayas 60:7

Ngay taw Kedar ay ngay taw Nebayut namon ban sa emu at ngay tupa, ay kanya wan at masine fag ngay fanggalangun sa angku laman gfauseganan ktua ku bale.

Fakamulun 10:4

Ay Kurnelyu nadama ay anlimu maksvn, ay nabalus te, “Nataw ku Fun?” Ay kafag tagbarita nalong anya te, “Dius nadungug am darangin ay guseganan am fakamulun nu ggubuk o at ke ngay fagidapun.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.