Alubad. 2:6 - Fanawbuid tagsibaliwas Fakayabian

⁶ Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 2:6 ပူးပေါင်းရင်းမြစ်များ

Alubad. 45:6

At mabalyanan, nu gfagtainan o, we fakatabuan, ay matuyan tua nu gfunan o.

Alubad. 50:2

Kanya gyamag siginan at filian fag furuan Siun, at yud e kalong at kasinean.

Alubad. 78:68

ay at nafili, Uda way at ngay kasugfunanan, ay nafili yangay Buksul Siun, aroro kesug.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Esekyel 17:22

Fun Dius Yawi nalong yay fia te, “Namul kban kayu sidru at langbud sanga, ay nananum kban sa sik buksul tangabat sis Israel. Ay gtugbung ban, ay grawvg ay umsik tagbia fag fun kayu. Sanya ban fagayu manuk tungud nu nanfugad, ay sanya yangay ban anggan tibak mela nu namalanbung.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Efesu 1:22

Dius nafasas daga tam Fun Isus at fagmabalyananun fagayu nusnge wain, ay kanya nafili anya tagfunan sas fagayu laman gfae fagmasineun at ngay taw,

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

At Nafasure 14:1

Ay sanya ginan nalag au Tupa Riangan nu malindug sis Buksul Siun, gfadgaloan 144,000k taw. Marirukan sit ngay dangasan Tupa Riangan at ngayan ay anggan at Mama at ngayan.