Alubad. 2:4 - Fanawbuid tagsibaliwas Fakayabian

⁴ Dewa katanya, Fun Dius at malunggung sis banwa kase gfalingun kafag ngay taw at ngay algan.

Alubad. 2:4 ပူးပေါင်းရင်းမြစ်များ

2 Fun 19:21

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 115:3

Dewa katanya, katatuy em famalus: Em Dius sis banwa, ay kanya gfakamulun at fakaylatun.

Alubad. 123:1

Yawi, gdarangin au sa emu, o wan at malunggung sim faglunggungan sis banwa.

Alubad. 37:13

Dewa katanya, tam Fun kase way takatanya fag ngay taw, aroro kanya saful way te, munakbang wan kanya fag ngay taw nu gafaurianan.

Alubad. 53:5

Ay dewa katanya, sik menit ban umdasug say ngay fawayan sik malimu at yud batang nadalan. Dius namarapyag am ngay fawayan at ngay bini. Namapla o anya aroro Dius naiyan anya.

Alubad. 59:8

Yawi, dewa katanya kase way o ay gfalingun tibak talun at ngay taw yud gafanud sa emu.

Alubad. 59:9

Dius, siginan emu ku fagmabitsugun. Gfanya au emu, aroro o wan ku fagsarirungan.

Alubad. 68:33

Alubadi sas Dius, aroro siginan ngay ebi kanya gsakay sis tungud kiwang. Dungugani at mabalyanan fag Dius at aringang takata sik lingsi.

Fangatulun 1:26

Gina ban am gafaurianan, kase kban ayu, ay nu ndasug ban sa ayu ngay fagidapun ay nusnga setaw at malimu kata sik tagridribudan fag tagmara ay sik fulug, gfalingun kban ayu.

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?