Alubad. 17:7 - Fanawbuid tagsibaliwas Fakayabian

⁷ Falagi sa angku te, mafangesug o siginan am ngay fakamulun at madulo. Siginan am fagmabalyananun, gfalangfe o fagayu at nansarirung sa emu, aroro e ngay fawayan.

Alubad. 17:7 ပူးပေါင်းရင်းမြစ်များ

2 Fun 19:22

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

2 Fun 19:34

Gdiri kban ay namalangfe tuy fag furuan laman e namauseganan angku ay aroro ebi nafatuyanan au sa ku fagsuguan Dabid.”

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Alubad. 20:6

Katsi nasaful au te, Yawi tua tagfababo at nafili fag fun. Ay kanya gbalus at darangin siginans banwa at yud e malong fag fagbanwanan, ay kanya gfababo siginan at fagmabalyananun.

Alubad. 31:21

Fauseganani Yawi! Aroro kanya nafalag sa angku te, mafangesug siginan at ngay fakamulun at madulo, ay nadiri angku gina au si sik furuan at maligung at ngay fawayan.

Alubad. 31:22

Gina au e fakalimuun, gamatangan au te, “Nafabayan wo angku.” Dewa katanya, nadungug tuo ku fagetun, ay nagubuk tuo angku.

Alubad. 44:3

Em ngay mangaguyang nagbilug at fagbanwanan ay nababo at ngay fawayan bunwa siginan at ngay famabul ay at fagmabitsugun, nu bunway siginan tua am fagmabalyananun tagfasaful te, sanya o, aroro kesug tuo anya fagayu.

Alubad. 60:5

Siginan am fagmabalyananun, dungugi ay falangfei emi, am fakesugun fag ngay taw.

Alubad. 78:12

Tam ngay mangaguyang nalag Dius at nafakamulun fag ngay madulo sis datag Suan, sis talun Igiptu.

Nu Galin 15:6

Yawi, matuyan am fagmabalyananun, ay siginan takatatuy, narufa o am ngay fawayan.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Fakamulun 2:33

Ay Isus nu siwas banwa, namalunggung sis Dius at siun baliwa, ay kanya nagbilug at Mama at nafatuyanan sa anya at Masine fag Falad. Ay Isus nafon yangay sa emi at Masine fag Falad kata ay nalag ay ay nadungug katsi.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.