Alubad. 17:1 - Fanawbuid tagsibaliwas Fakayabian

¹ Yawi, dungugi ku darangin ay ku fagetun sa emu, aroro ku darangin matuyan, ay kabavn ku ngay nalong matuyan tua.

Alubad. 17:1 ပူးပေါင်းရင်းမြစ်များ

2 Samwel 22:24

Dius nasaful te, fagdaul ku amatanganan sa way lang anya, ay gsaruy ktua fagmauriun.

2 Krunika 7:15

Ay dakdi ban gfalibangun anya fagayu, ay gbalus ktua ban at ngay darangin si ku bale,

Nemyas 1:6

Kayu menit ay yabi gdarangin au, laman sa am fagsuguan fag ngay taw Israel. Dungugi ay balusi ku darangin. Ay gfoyung au sa emu em ngay asalanan, anggan ku mangaguyang at ngay asalanan.

Ub 16:17

Dewa katanya, kdoma e asalanan, ay matuyan oma ku darangin.

Alubad. 102:2

Lag nangus gsuksuan angku gina au e fagidapun; abat ngate, dungugi ay balusi angku masakit.

Alubad. 140:12

Yawi, nasaful au te, gdiri tuo at yud e kwa siginan tagfaidapan anya, ay nasaful kyangay te, gfon yangay o fagmatuyanun sa tagayudan.

Alubad. 142:1

Yawi, guro au gdarangin sa emu te, “Afanyui angku.”

Alubad. 142:6

Nu katanya, dungugi nu get au gubuk, aroro maksvn wan nu gidapan au. Falangfei angku siginan sangay taw tagfaurianan angku, aroro kanya fagayu amabitsug yap tua angku.

Alubad. 143:1

Yawi, dungugi ku darangin. Dungugani nu gfainfanyuan au get sa emu. Gubuki angku, aroro matuyan tuo ay masine.

Alubad. 145:18

Munakbang tuo sit matuyan fag ngay taw taguro tua gugat sa emu.

Alubad. 18:20

Ay aroro matuyan ktua, kanya nafon tua sa angku fagayu nusnge wain. Kdi e nafakamulun mauri, nu katanya, nafafoli tua sa angku fagayu at nalyam si angku.

Alubad. 18:44

Kanya fagayu nu nadungug sabaliwa angku, gfaning wa vtv angku. Ay kanya fag ngay betaw maksvn nu kalimu, ay grungan si ku daga salubangan.

Alubad. 43:1

Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

Alubad. 5:2

Ku Fun Dius, aroro sa way lang emu nu gdarangin au, dungugi nu get au gubuk sa emu.

Alubad. 54:4

Ku Fun Dius, o wan ku taggubuk ay ku fagelelegun.

Alubad. 55:18

Kabavn kanya gfalangfe ay gdiri tua angku kaduge au gfawayan, dewa ngayu ku ngay fawayan.

Alubad. 61:1

Dius, gdarangin au get gubuk. Dungugi angku!

Alubad. 61:2

Siginan sik fungfung daga, guro au emu aroro kwe fagsegun ya. Tabani angku sat mabayan fag fagsuksuanan,

Alubad. 66:19

Dewa katanya, Dius nadungug tua, ay nabalus ku darangin.

Alubad. 7:8

Yawi, insafuli ngay talun at taw, nu sinu at ke asalanan. Fatoglagi sa sangay taw te, kdi e asalanan aroro nasaful o te, matuyan ktua ay kdi e nafakamulun at mauri.

Alubad. 84:9

Dius, damai tua em fun, ay foni sa anya nusnge wain, aroro siginan nu gugwag o sa anya langis, nafili o anya laman em tagfangguna.

Alubad. 86:1

Yawi, dungugi ay balusi ku darangin, aroro sik tagidapan au.

Alubad. 86:6

Yawi, dungugi nu guro au gdarangin sa emu te, afanyui angku!

Alubad. 88:3

Aroro ngayuk fagidapun at kindasug sa angku, ay gakabulun kwan.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Mateu 15:8

‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

1 Uan 3:21

Ku fakesugun ku ngay faduksay, tam amatanganan nu ddi gfoyung antam te, e fagmauriun tam, di ban tam kapla sis Dius at daga salubangan.